St. Valentine

St. Valentine's Day

Tasvng shóng nøt vzøm we vsvngrì kaq roqgvr we St. Valentine nø Romaq myoq taq kèní shànshér we shvrúng shú Jau tiqgø íyàngì. Romaq gàmzø koqkámpè II pè wapè Clutious bat taq kám vsvngrì kaq shvnip shvnvrò we rvtø st. Valentine gø tapmò nø dvki vrè we vhøm yàngà we mvtaq kámnøt tvrà dang nvng singnø Flaminia way tvrà mvdàmø vgo tutnò nø shvtnò we vhøm yàngà.

AD 350 nøng taq St. Valentine svng vpø shvringò we taqkèní àngsvng shvt yàngà we shvrà taq ni shvngømré rì taqkèní noqngøm chøm tiqlòng svng vrang yàngà. Valentine wawe àngbøngò lvjøm nø Valar kùngà zaqwe wanø lvjøm lúnshì we íe.

Àng lvpat shì bøì we mèpvng mònggvn vsvngrì tasvng shóng nøt vzøm we vsvngrì shvngbe nø St. Valentine àng kaq nøt mvsøn kùngà rì dvzaqshì nø jórlún we kùngà svng røt ním shì ráì we íe.

Ya February 14 ni taq shóngshì we kàru rì shvlang shìwe tóng laqyà bøn ráì we nø "Cacè rì nø zøngwe ràngtúng taq shóngshì kà tángshì lvm mvlúnò we ínìgø st. Valentine àngò bóy àngni taq vrá vhøm lúnìe wawe kámnøt kèní zømshì we bøn ráì wae.