St.Charslawanga nvng angmepvng cvnri(21)gø kvmnønt shvrériò mvshøl

St.Charslawanga nvng angmepvng cvnri(21)gø kvmnønt shvrériò mvshøl (18890

 Shansherpè Charslawanga nvng angmepvng cvnri (21)gø svng Yugadvn móngò nvmlat tiq kvmnønt shvréri wanø vpø shvríng yvnga we svng shalún shìe. AD.1870 nøng taq Uropaq móngdvn svng Wajau kàgvp núngshú mvdòri tuqlóngì nø Koqkvm Mdesa wur taq dvbushang sasvna bvnlíri gvzà shvladø,vjú vldø wa lún yangà. Iwe AD.1885 nøng taq mvwánga Koqkvm runglóngí dvgvp nø angò dvcírí taq kèni Gvray kaq kvmwe,noqshi we màvl lvm,shvmvnglvm rvt dvrá gvl bøà. Aanglvjøm nø Langare shvdaq,Cvmàré shvdaq màdvrá dø shágóng vzøm dvzvròe.Yà lòng svng vgvmò we rvzvngcerí svng koqkvmpè nø gvzà shøna:lrí lòngì.Vkvt dø mvdìng mvma:n dø dvkí we vdòng koqkvmpèò bvnlí taq dvzaq shìweChaslonga nvng dvgá zilvngré (21) gø vbá yvngì. Angmaq shvngbé svng Koqkvm Ko taq kèni yelshidvzvr ya:ngà. Angmaq svng Koqkvm Mwanga írøt nówe taq,Gvray kaq kvmwe rvzvngce kù vllvm ima?màvl lvm ma?wa røtò dvgvp "Nøngmaq nø tiqdvciq Gvray kaq kvm ie" Wa shvngbé nø tiqkà wa tvngshiè. Wervt tiqmaq nø Angmvrdvngø Lóngjvng vgò pvttutno nø shvt ya:nga. tiqmaq nø shvmmvngjøngí angmaq lóngjvng yàqò nø shvt yvngà.ngvm shiri tiqmaq svng nø (37) meng vrum yvng vl we Vsvng dvkíò nø shvtno we shvrà svng shølò è. tvràram taq (3) gø nø shvt yvngà.ngvmshìri svng nø sa:mrií dóngò nø zvmè taq wurò we i shvt yvngà. Vkvt dø dvshá dvré dvkí nø, vrè we, vl ni gø Gvray kèní mvrvlshì shaqdvt lvm rvtø taq Vkangpè bøng svng goò nø a:pnúng shiyvngì. Angmaqò kvmnønt,a:pnúng shibøí we shvwiri nø ngvmshì we rvzvngceriò kvmnøt nònggunmvng vpòa:mi nø Baganda móng taq rvzvngce chømgòng(200) kèní,(500) rvzé rvmshìlòngì.we mvdvm Gvray dvrà mongkà cvn shì we vsvng(800) gø taq kèní,(3000) gø høq cvn shìnø kvmwe Vsvngri tiqni mepvng tiqní rvm shìyvngì we svng (Baganda)móng shansherwe vsvngriò mvshøl taqkèní shàlún shìè.