St.Pius

St,Pius(5)Pè Wa pè nø AD 1504 nøng Etali mong Gótùná Myo taq shøt ya:ngà we tiq pè íe.Ang taq kéní Sher dø shvdik shìnø Rosary rú nø vjúrøt shílvm nvmlat pang ya:ngà pè gø íe.1566 nøng taq Svradó vyà kvmshí bøí mèpvng ,Shvngømré vhvng vlúnlvm dang svng gvzà dvkvng shíyvngì. Angtaq kení (Trent)lipong svng vtoó we í Svradó rí kaq vdèò Diocese vdòng taq vl we gwørwang pongøp rí kéní zílvngré ríkaq svng Gvray mongka,Dvrá Shvngøt lvm paqzí dvkøm we gø Wa lún yá:ngà.Roma mong vsúyaq øpkvng tvrà vcvtlóng í kvt,øpkvng gvmzørí nga nvng nga dvcírí vdámvgvm ràe wa Dvrà rí vmvmg a:mì kvt Svrabyin koqkvm Myo taq vl we dvshá mvhøt vhømò rí shvngbé lutshí ya:ngà.

St,Bius nø Dvrá shvdik shíwe dang taq nónggun vl pé ídø tiqdvchà Romà Myo svng Dvrà shvdik shílvm zòng bólvm dvnó e Wa nø vdù we gø vhøm yvnga. St,Bius angwur taq, Pongøp ríe Nīvrvm røtlvm vjúrøt karí,kagvp nóng we taq lvnglvm vjùrøt légà bok rí,Gvray dvrà léga bok rí mvmé gø vrù ya:nga. 1551 nøng tiqcé shvlá 7 ní taq nø "Lepanto" vtiq cildvp nvng vshat dvgvp musalem rí kaq Gvrit mongdan høp lóng yvngà.Yalóng nø St,Bius lvpat taq tévtvng jórlún yvnga we tiq lóng gø íe.Vkvt dø jórlùn we nø Gvray kaq nønt mvsøn shvdik sha í nø vjú røt í mvdvm,Gvray angmè Marí taq kéní tiqdvtvng røtním dvpvng rvt gø íe Wa dvshang ya:ngà. Wervt St,Bius taq kení tiqcé shvlá (7)ní nø Rvsvngcé rí shvngbé kaq ròqgá we,dvpvng we Rosary Gvray angmè boy Wa nø mvsat ya:ngà.

1572 nøng taq nø Gvray vdòng taq màvl ya:ngì. St,Bius nø Gvray dvrà shvdik shì we mvdvm,rvsvngcéri pvlace tvra taq vhvng vlún dang gvzà dvzaq shíyvngì. Angkvm nønt taq kéní 1712 nøng taq nø SHANSher pè Wa dang ya:ngà we svng shalún shíe.