Yesu gv̀llv́m dvtáò we

Yesu gv̀llv́m dvtáò we
Mariq wa tøshìwe chømyo vjøng mè svng dvkám kà shønlvm dvpat gvrayí muqlàng dvzvŕ Gabriel svng Narzareth myuq kaq dvzvŕ yàngà. We chømyomè Mariq nø David dvcì tiqgø íwe Yoseph nvng døngku shvzøngshì lvm dvkám shaqmè gø íe. Muqlàng dvzv́r gǿ nø Mari v̄l yv́ng gòngá:mì nø ang svng, “Jejú vtv̄ng èlú:nò mè nà, pàmvrà! Vkàngpè nø nà nvng tiqdø v̄le,” a:lòe. l 29 Pamvra wa kà welòng rvt Mari vnv́ná:mì nø, kà yalòng nø kadø wa kà í má, wa nø nøt vdòngø dvdáshìe. 30 Wekvt muqlàng dvzv́r gǿí ang svng, “Mariá, mèsèreni; nàí nø Gvray mv́rdv̀ngø jejú èlún bǿà. 31 Eyà:ngò, nà nø góngshvng mèí long nø, angcè tiq pè ègv̀l daqòe. Ang bø̀ng nø nàí Yesu, wa tǿ ràe. m 32 Ang nø rīng we í long nø, Ang svng nø vháng vtv̄ng pè Angcè Pè, v̄l lú:ngòe. Vrá, Vkàngpè Gvrayí angkop angkàng Dawi koqkv́m rúngtv̀ng gø Ang svng zí lú:ngòe. n 33 Ang nø Yaku dvcì cèrì mvdv̀mø dvciq lvpat koqkv́m wáshì longe. Ang móngdàn nø kadvgvp gø màlēvm,” a:lòe. o 34 Wekvt Marií, “Ngà nø lvngàré nvng gø shini màshóngshø̀ng ke, kadøwa yalòng lvbø̀n daq ni?” a:lòe. 35 Muqlàng dvzárí vtà:ngò nø ang svng, “Nà svng Shanshér Pvlàcè lāshì daq nø, vháng vtv̄ng pè Ang jórnònggù:ní nà svng dèkøq daqe. Wedø í rvtnø nàí ègv̀l daqò we cv̀mré pè nø Shanshér pè, Gvray Angcè Pè, wā tǿ lú:ngòe.
Etáò, ku, nvrì nvrvpmè Elizabet gø cvrǿng ráì dvgvp wā angcè tiq pè ríòe. Vsa:ngí vdǿm íe, a:lò mè nø góngshvng mø̀í we akvt vchuq shvlá íá:mì. 37 Kadø íe wani Gvrayí wá mvlú:nò we pà gø màvl,” a:lòe. q 38 Wekvt Marií, “Eyà:ngò, ngà nø Vkàngpè Ang vshuqmè ǿngàe. Nà èshø̀n dø tiqdvchá ngà taq laq í daq,” a:lòe. Wekvt muqlàng dvzv́r nø ang yv́ng kèní vtv́ngá:mì.