"Svrabin Koqkvm Francis nvng Svrabin Koqkvm Bernadette ní kaq Covid (19) Zønlì vgám we cì tuò we Shvngkà"

"Svrabin Koqkvm Francis nvng Svrabin Koqkvm Bernadette ní kaq Covid (19) Zønlì vgám we cì tùò we Shvngkà"

Vatican vdòng lvban (3) ni taq pvngshì bøì wē Covid 19 vgám cì tùò we tvyø taq Svrabin Koqkvm Francis nvng Svrabin Koqkvm Bernadette (16) ninø Nvmlat poq Covid 19 Zønlì vgám we cì tùshìbøì we svng shálún shìe. Vaticanò Shvngkàdvp kèní shønlvm vmíngkang lúnò we Matteo Brunií Svrabin Koqkvm Francis nvng Svrabin Koqkvm Bernadette nìnø Covid (19) Zønlì vgám we cì tùshìbøì we dang Shvngkà gun dvtøpmōrì røtkà svng vtvnā bøā we íe.

Kangpè angní taq Svrabin Koqkvm Francis nvng Italy hang vngvt Shvngkà dvp tvyø tiqlòngò interview taq Svrabin Koqkvm Francisí nø tuqrā we lvban vdòngø Covid(19) Zønlì vgám cì tùshìlvm íe, wanø vtvnshìbøì we íe. Svrabin Koqkvm Francisí nø" Covid 19 Zønlì Vgám cì tùshìlvm long nø Vsvngrií cvndvgøm rāwē døngjà ìe. Pàwálvm wanì yalòng nø Nàò Shiqshan lvm, Nàò gønshaq, Nàò gurhømhøm taq vl we vsvngrìo gønshaq nvng singè"wanø dvtvnò we íē. Svrabin Koqkvm Bernadette (16) ò bvnlì vkangpè íwe Svrado Bishop George Gaeswein ígø Svrabin Koqkvm Covid (19)Zønlì vgám cì tùshìbøì we dang kàdvngté mà-lé kè dvshvng bøā we íe.