" Vkangpè Yesuo mv-kok dvdí mvrézā nønt dvtit tèlē nøng" wàwe Shvngkà

" Vkangpè Yesuo mv-kok dvdí mvrézā nønt dvtit tèlē nøng" wàwe Shvngkà svng dvshvnglvm íe.

Svrabin Koqkvm Francis ínø Poland móngdvn, Bo's myoq taq vl we st. Maria Forstina kowol sga kaq nvmlat baq shingrvn dvtvnshi we nøng (90) nøng gøm mvsat kàrū taq nøngmaq nø "Vkangpè Yesuo mvrézā mv-kok dvdí shóngnøntni gálong"svng dvtit dvlélvm rvt ègo irì íshàè wanø dvkvme.

Svrabin Koqkvm Francis nø Poland móngdvn Bo's myoq taq vl we Svrado kaq svng Poland móngdàn vsvng" st. Maria forstina kowol sga" kaq dvsházà nønt nvng dvnzøng we vkangpè Yesu nø Nvmlat baq shingrvn dvtvnshi we (90) nøng gøm mvsat døngsat  angni taq kàrū tiqgøm vrū yàngà. St. Forstina nvmlat baq shingrvn dvtvnshi we nø mvrézā mv-kok dvdí nønt dvnzøng we Vkangpè Yesu svng vpø shvríng lvm mvdøng vchvk lòng íē.

Welòng kàrū gøm taq Svrabin Koqkvm Francisí nø 1931 nøng, February 22 ni taq St. Forstina í talún bøā we " nàí yv'ng èlún bøā dø sømla hàng nvng tiqdø narū longò. Yalòng sømla hàng svng Nàò noqngøm chøm taq sherúngò nø, we mèpvng mònggang døngtvng taq vpø shvring lvm rvt ngà shvrúngè." wàwe Kà svng Vrá dvdvm dvzvrè.

Svrabin Koqkvm Francis ínø " yalòng vpø vtvng boy nø mònggang døngtvngí  shálún bøā nø kvm we vsvngrìo nønt mvsøn vdòngø cunshì we svng Bo's myoqò rvzvngcerí nvng tiqdø dvbù íwe dāng" vrū bøā we íe.

" Mvrézā we jèjú ìshøt rì svng vkangpè Yesu kaq èrøt shìnøng."

Svrabin Koqkvm Francis ínø kvm we rvzvngcerí kaq " mvrézā we jèjú ìshøt rì svng vkangpè Yesu kaq røtshì lv'm rvt dvkvme. Hkristuo mvkok dvti lòng svng" nøngmaq vdòng taq shøpshì nø Vkangpè Yesu kaq vtvng lún we vsvm vl-lvm rvt, Sacramentu ìshøt rì taq vkangpè Yesuo mv-kok dvdí shóngnønt nvng mvrézā lòng svng yv'ng lúnlvmrvt tán nàē. Yadang taqkèní mvrézā shánø téwa cìpshì nø téwa mvrézā shóngnønt vl longē.

Svrabin Koqkvm Francis nø àng nvng vtoq-vtip gø "  mvrézā mv-kok dvdí nønt kvsa " wa tøò lòng, Svrabin Koqkvm John Paul (2) nø " mònggang taq vl we Vsvng shvngbè kaq  Gvrayò mv-kok dvdí nønt lòng svng vtō shì dvzvr mvyø we dāng" shvrúngè." wanø mvcing bøā.

2002 nøng taq " karagòq" taq vl we Gvrayò mv-kok dvdí noqngøm chøm kaq dì we rvtø Poland Svrabin Koqkvm í " yalòng mv-kok dvdí mvrézā svmi nø mònggang svng dvtit dvlélvm rvt Vchvk ngè." wanø dvkvme. Gvrayò mv-kok dvdí nønt rvt rvgaqtøm nø Mongzøl lòng vtōshì lúnò nø vsvngrì nø dvbù nøntshøm byō lòng svng vtōshì lúnlvm ílongè.

Svrabin Koqkvm Francisí " yalòng shingrvn dvtvn we nø Bo's myoq taq vl we shvngømré dvpvt, st.Forstinaò zōng dvpvt, Gvray àngmeo mv-kok dvdí mvrézā we dvzømshú rì dvpvt, Bo's myoq dvpvt nvng namaq gø vrv'm dvpvt gō we tiqlòng íe.  

Svrabin Koqkvm Francisí nø lvngdøm dvtøm we taq " vkangpè Yesuo mvrézā mv-kok dvdí gálong svng dvtit tèlé nøng. Namaq dvhø taq Gvray vl we kumla í ècún shìnøng." wanø shøn weí Mòngkà svng lvngdøm dvtøm bøā we íe.