St. Turibius De Mogrovejo

St. Turibius De Mogrovejo
Liba myuqò svrado tiqgø íyàngìwe St. Turibius De Mogrovejo nø AD 1538 nøng Spain móngdàn Mejaca myuq taq gvlyàngà. Àngnø paqzí vdè tiqgø íyàngìwe døtiqdvchá Salaman University taq dvrá vjì paqzí shvngøtshú tiqpè gø íyàngì. 
1581 nøng taqnø àngsvng shvngømré taqkèní Peru móngdàn Lima myuqò svrado vya svng kámshì bøì. Àngnø gvray bvnlì wàlvm kámshì bøì mèpvng wángzà móngdànrì svng dvbùshvng bvnlì walvm búng yàngì we taq 25 nøng høqshaq dvzaqshì yàngì. Àng taqkèní Spain dvcìrì ò vshuq íwe India dvcì cèrì 1000000 gø svng chutcháng ònø tìløp kámā yàngà. We mèpvng shvngømré dvpat ràvchak we shvrúng shú zùng tiqlòng svng we Lima myuq taqni American dvcìrì dvpat poqpvng yàngà. St. Turibius De Mogrovejo taqkèní shvngømré shvrúng shú rìò mvrà shvri we bvnchvtrì vdòng taqni we shvrúng shú zùng svng vrangò nø poqpvng ráà we íe.
St. Turibius De Mogrovejo nø AD 1606 nøng taq lvpat béyàngì.