Radio Veritas Asia Buick St., Fairview Park, Queszon City, Metro Manila. 1106 Philippines | + 632 9390011-15 | +6329390011-15
Lìdúníyá wunjí, Svrabin Koqkvmpèò yūgvrí:ng móngdàn kaq svng dvbvng lvm dvpvt vlu zíshì we dang
Lìdúníyá wunjí, Svrabin Koqkvmpèò yūgvrí:ng móngdàn kaq svng dvbvng lvm dvpvt vlu zíshì we dang
Svrabín Koqkvm Francis nø lìdúníyá wunjí * Ingrida Šimonyté* nvng Vatican taqø vhøm bøì. Angmaqí nø Vkvt mònggang svng svre dvkut we Covid (19) yóga zønlì nvng Afghanistan móngdàn taqø dvshá zà we bvnlì tiqdvshàqí wà ra bøì we dang nvng singdø shøn bøā we íē.Vsvngpvn nvng døngku vháng vlún lvm rvt dvnung we bvnlìrì nvng singdø tōni shvngømrémeò bvnlì dvgvng vrvm svng gø vhøm nø vrashì bøì we íe.
Lìdúníyá Wunjí ínø yūgvríng móngdàn kaq dvbvng lvm svrabín Koqkvmpèò dvsházā we bvnlì dang taq Yurù(10,000) lvp zv'ngbø'ā we íe. We mèpvng Svrabin Koqkvmí nø wunjí kaq zíò we svrabín Koqkvmò Kømpaq íwe shvngømré dvzvng lega bokri mvdvm, Mongzøl lòng nvng sing we Kàru Mongkà rì svng gø kømpaq zí bøā we íē. Angmaqò vhøm mvngu vrashi we nø gvzà nøntshøm lvm rà ínø lìdúníyá móngdàn nvng Vaticanò vrvm vrá we shóngnønt lòng svng gø dvtvnò we svkse íe.
Kà tvling we Svra David Ah Pong
Add new comment