Myitkyina Svsana taq kèní shvrúngshú jàò vlwe chøm svng Covid rvt Lord Down wà bøwe shvngkà.

Myitkyina Svsana taq kèní shvrúngshú jàò vlwe chøm svng Covid rvt Lord Down wà bøwe shvngkà.

Myitkyina Svrado Svsana taq kèní shvrúngshú Jàò (18) pè vlwe chøm kèní shvrúngshú jàò (6) pè nø Covid Positvie bøn bøìwe rvt we chøm

svng vlè ámì Lvbán taq kèní lord down gàl bøà we ie.

Dvgá chøm taq vlwe rìsvng gø Covid vlwe shá shìrvt Svsana bvnlì angkàng pè nvng bvnlì døngjá vlwe vsvng rìí, dvgá vsvng rìkaq Covid vrá

mvbøn lvm dvpvt vkvt dø wáshì we íe, wàe.

Covid positive bøwe shvrúngshú jàò rìnø vdè vlwe kvòk sø'ng taq vl dvzvr shìwe ínø v'maq lvm svng nø Svsanaò cìkvòk kèní lvjá:ngàò we íe.

RVA kachin nvng RVA kachin Lisū Service shølshú vgò ní íwe Father Patrick Hkawng Rae nvng Father Zang Yaw Pong nø covid positvie bøn

we svng shálún shìe.

Cadinal Charles Bo taq kèní gø Fr. rì shvngbè shiqshvn we vl lvm dvpvt dvtú shìwe dá:ngí, nvlshì bøì we Svràdò gvbà Fransic Daw Dang ígø

dày yàt dvshvng shìwe kàgvp nó:ngò miss taq kèní gø covid positvie bøn we Jàò rì dvpvt vjúrøt dvbvng lvm shvngømré vsvng rìsvng dvshvt

bøà we íe.

Kàtvlíng svra paul hpu Yé Dwè