Greek Móngdàn svng Svràbín koqkám pè Francis tuqwe rvt Dvgùng vlwe íe wanø Vaticanò Greek krìngmangí shønò we shvngkà.

Greek Móngdàn svng Svràbín koqkám pè Francis tuqwe rvt Dvgùng vlwe íe wanø Vaticanò Greek krìngmangí shønò we shvngkà.

Svràbín koqkám pè Francis nø December shvla (4-6) nì høq greek móngdànò wamà “Edin” yvngsvng Vnínì dì lvm íe. Svràbín koqkám pè Francis nø greek

móngdàn svng dìwe rvt dvgùng vlwe, rvtø shvlá nvng nvnggùn liún shìlvm ídø tiq dvchá móngdàn vní dvhø taq vdoqvtip lvm dang ngàngdøng we lúnlvm

nvng móngdàn vsvng rì dvgùng lushì nø gvza dvbù we íe.

Vkvt Svràbín koqkám pè Francis tuqwe nø Katholic Svsanaò shølshú vgò pè vní baq wawe poq tuq we íe. St. Paul (2) gø (2001) nøng taq tuq aqmì we íe.

Wedø dìwe taq Katholic shvngømré vsvng gvza mvluq we ( Katholic shvngømré vsvng nø móngdàn vsv:ngò 1 % yawet dángtè gø mv-vlwe) móngdàn dìnø

nvnggùn zíwe nø nøngmaq shvngømré vsvng rìsvng mà vnáò nø dvdvm shà we íe, gvza vchvk we svng dvtvn bøà we íe.

Dènøng nø vatican nvng greek móngdàn rìò krinmang vtoqvtip we dang (40) nøng vhøm raì we íe. Greek móngdàn kèní Rvsvngcèrì gø Svràbín koqkám

pè tuqlvm rvt gvza nønt byò nø vtò we íe. Greek móngdàn vsvng té mvlùng nø 'Greek Orthodox' rì íe. Móngdàn vdúng taq kèní kahtolic shvngømré vsvng

rì vlwe dø Poland, Romania, Pilipin, Siria nvng Iraq móngdàn kèní vsvr shì ráì we Kahtolic shvngømré vsvng rì gø vlwe íe. Vkvt svràbín tuqráì ke lūmuqyé

nvng móng lvmvng dang dvpvt gø gvza vchvk we tìyø lvmvng ídaqe wanø vløm shìwe íe.

( 2016) nøng taq Svràbín koqkám pè Francis greek svng tuq we rvt greet nvng Turkey móngdàn dvhø màvrvm we we rvtø íe. Dènøng nø greek koqkám ( Ottoman) svng vtūwe (200) nøng vhøm ráì we gø íe, wanø greek móngdànò krinmvng Panos Kalogerpoulos í shøn bøà we íe.