"Singapore móngdàn kaq Catholic Sasvna gòng we (200)nøng nønggøm jubvli bóy wàò we"  

"Singapore móngdàn kaq Catholic Sasvna gòng we (200)nøng nønggøm jubvli bóy wàò we"
 
Singapore Catholic Sasvna me nø àngdeò móngdàn kaq Catholic Sasvna tuq lúngì we (200)nøng nøng vhøm lìpòng me svng vle a:mì we lvban vdòng taq wà bøā we íē.Vkvt dø wáshì we taq mvdøng Missa Kagvp nóng bøā nø Singapore móngdàn taq vl we Catholic Noqngøm chøm (32) chøm taqkèní dørøm 6:00 nāyi rvtø taq ròráshaq vrá dø vzeng møt weí oqā wá vjúrøt nø Gvray kaq shvring bøā.

Singapore móngdànò nvmlat nvmpvng íwe Noqngøm chøm me taq Gaíchuk svrado gvbapè Archbishop William Goh kèní shøl we Missa svng cvnshì nø noqngøm zong shvngbe vrvmi dvkvm Kà lòng svng cāòe.Singapore myoqdō wønjí Lee Hsien Loong gø àng døngku me Ho Ching nvng tiqdø Missa Kagvp nóng we taq lúmbøì nø Singapore móngdàn vdòng taq Catholic Sasvna me vl nø dvgvng vrvm taq a:pnóng shì dvnung we bvnlìrì rvt nøntshøm dvbù lúnò we dang Missa Kagvp lúm weí mvsatnò nø shvdønga bøā we íē.December 11 ni taq wà bøā we oqā wá Missa Kagvp nóng we taq svrabín koqkvmpèò kønmvng pe Apostolic Nuncio Archbishop Marek Zalewski gø lúm nø shvring bøā we íē.

1821 nøng December 11ni taqø byitin Sasvna shvrúng shú tiqpè íwe French Saint Laurent Imbert nø Singapore zunlúng yv'ng nvmlat tiq Missa Kagvp svng dvshvngò pe íe wā kvm nø àngo svradopè íwe Bishop Esprit Marie Joseph Florens kaq svng vrùò we Kàru taqkèní shálún shì we dang, shvrúng shú pe nø Singapore zunlúng kèní tiq dvtáng Korea móngdàn kaq svng Sasvna wàwe taq 1839 nøng September 21ni, àng lvpat 43 nøng taq dvrá mongkà rvt shvt vhøm yvngà we íe. Àng nø 1984 nøng taq svrabín Koqkvmpè John Paul í shvdøngò nø Korea móngdàn kèní Gvray dvrá mongkà rvt shvt vhøm bøā rì yv'ngkèní shvre 301gø' wà gø'taq vbá we tiqpè gø íe.

Dènila taq Singapore móngdàn taq Catholic shvngømré gorø 300,000 Sen dvngte vl nø Singapore móngdàn dvpvt angdangdang taqkèní lúm nø dvbang shì we íe wā shønòe.Gaíchuk svrado gvbapè Archbishop William Goh kèní (200) nøng nøngvhøm oqā wa lìpòng me svng Singapore Catholic shvngømrérì kèní lvklai dø dvgø'shì nø wálún bøā rvt gvzà dvbù nøntshøm lún we dang nvng Gvray gvsang kaq gvzà oqā wàwe dang shøn bøā we íē.