Vsvng tiqgø í, Nvmlvt Mvrà shvrìò ke zvngwa lvpvt súmlvm Ang mvtú ía:me, wàe.

Vsvng tiqgø í, Nvmlvt Mvrà shvrìò ke zvngwa lvpvt súmlvm Ang mvtú ía:me, wàe.

************************************************************************************

Nøngmaqò ni vrvm Lvpat svng nøntshøm dø dvdvm weí dvbu nøn:tni pvngshì nø gønshaq mvmè svng dv:ròkèò we mvrà shvrì gø mø-í Lvm vyáshì ràe. Vsvng tiqgø' nø mvrà
shvrì we bvnli wáshì yvng kèní udø udø Lvpat shaqcvm lvm vle.

Gvray àngmè Mari Elisbet kaqsvng dì lùngì we rvtnø Ang Lvpat taqø Gvray yvng kèní dvbu nønt dvnzøng taqsórì dì bøì. Nøngmaq gø kadø dìwe svng dvdvm lvm waì. Ngã nø
karvtø taq ínìgø vlíng vpo lvm dvdvm nøntwe vlmá, mvì nìnø nøt dvshà lvm vdúng taq wa nøt døn shìnø vle má? Wedø vlwe vsvng nø tiqgø'gø mv- vlwe ni íe.

Ngã nø kám nønt kèní vzvng lvpvt svng dìlvm ímá? Mvìnìnø vdè dvpvt nøntcvm weí Nvl shilvm íma? Nøngmaq nø shvngòr shiwe nvng dv:rkèò we mvrà shvrìò sórí vzvng lvp
tvrã svng ediwe ínìnø vsvng vrvm svng Gvray shóngshì we lvp kaqsvng tvrã shør lvm kadø gø mvì nø søng søng dø we ngànshà kaq nvnggùn dvkáng shiwe nvng vsvng kaq
nønt vtøp dvzvr we té mvlùng le íe.