Ukraine majvn yilshìwe vsvngrì dvpvt maqmaq zùng (1000) ján poqò nø dvzøm dvbvngò we shvngka.

Ukraine majvn yilshìwe vsvngrì dvpvt maqmaq zùng (1000) ján poqò nø dvzøm dvbvngò we shvngka.

Poland nvng Ukraine móngdan vdúng taq maqmaq zùng (1000) Jan vlnø Russia í, Ukraine svng léshìwe majàn nvmlat pv'ng shìwe rvtø kèní

Ukraine móngzøngcèrì nø dvgá móngdan rìtaq a: tshì rà bø'ì we íe. Poland móngdan taq maqmaq zùng (924) zùng nvng Ukraine taq maqmaq

zùng (98) zùng rinø majàn yilshìwe vsvngrì svng pvlàcè dang, nønt laqyà dang,cì lvjvng āwe nvng dvgá rà vchvk we rìsvng dvzøm dvbv:ngò

we íe.

Russia móngdànò léshìwe majàn rvt majàn yilshìwe móngzøngcèrì svng maqmaq zùng kèní dvzøm dvbvngò we dang, Yãrvtø Poland taq (498)

zùng, Ukraine yvng nø (76) zùng rìtaq majàn yilshìwe móngzøngcèrì (2400) rap svng dvzøm dvbvngò we vlnø, cvmrérì 3000 ján vlwe íe.

Maqmaq zùng (64) taqnø dvratcè (600) gø' dvpvt vl shvrà dvgø'shìwe íe. Dvgá (420) zùng taqnø cvmré Goqnicè rì vlwe àngmè rìsvng dvzøm

mvkoq shìwe íe. Majàn yilshìwe móngzøngcèrì dvpvt rà vchvk mvdøng rìnø v'maq lvm dang, shiqshvn lvmdang nvng sing we dvrè rì, gónggwá

laqtòn bèlaq rìsvng dvbv:ngò we íe. Wedø mvjàn bønwe shvrà taqgø dinø vtò dvbv:ngò we íe. Gòngwe gvmsòng lúnlvm dvpvt gø dvbv:ngò

we dang gø vle.
  
 

Maqmaq rìí nø mvjàn yilshìwe vsvngrì svng dvbv:ngò we dang taq gvza dvzaq shì bøwe íe. Ukraine móngdan kèní zùngmang rìsvng Poland

móngdan pàqzí zùng taq Zùnglùng lúnlvm dvpvt dvdv:ngò we íe. Kà mvcí:ngò we cvmrérì svng gø kà dvtut shúrìí dvbvngò we íe. Gvza

shvrø'ng ámì we shaqré shaqtvngrì nvng hø'wùr dvciq rìsvng gø dvzøm dvbvngò we dang gø vle. We mvdvm vchvkwe dang nø àlū rvtøò

nø mvdvm kaq shvlèòdv':nyí té dvshà we vsvng rì dvpvt dvbv:ngò bvnlì døngjá gø vle we íe. Vkvt Poland móngdan taq vlwe maqmaq rìò

angké upkáng we mvdò kèní Ukraine móngdàn taq dvzøm dvbvng shìwe Poland kèní maqmaq mvdò (330) mvdò vlwe svng shálún shìwe íe.