"Ukraine Móngdàn taq shvwì Necì tìwvng vyøè" wà Svràbín Koqkám pèí shønwe shvngka.

"Ukraine Móngdàn taq shvwì Necì tìwvng vyøè" wà Svràbín Koqkám pèí shønwe shvngka.
 
 

Shòngshøng we pèmè vnvm vchvng maq Ukraine móngdàn taq shvwì Necì tìwvng vyø bø'ì we íe. Russiaò léshìwe mvjàn nø sitsinyé màng

máng nø mví. Mvjàn bøn bøì mèpvng vsvng shì, vnàng dvbúm bøà we íe. Necì tìwvng vyø bø'ì we nvng dvshà mvhøt vhøm dvzvr bøà we íe.

Vsvng shìwe té luqmvn shì ráì. Wedøni tiq dvchá cvmrérì nvng cvmré àngmè rì mvjàn yilshì ràámì. We rvtnø mvrézà dvbvng lvm vsvng mvdò

rì gvzà rà vchvk bø'ì we íe. Vgámò we rvgaq rìtaq vlwe móngzøngcèrì svng dvshaqí dvbvng ràwe dang, bùm nvng mvzørì, cère dvké we dvhøø

vlwe vsvng rì svng dvshaqí lutlún lvm dvpvt dvbvng lvm røtnèm shì bø'ì we íe. 
             
 

Svrabín Koqkám pè Fransic í, mvjàn yilshìwe vsvngrì svng pàmvracè vtoò nø dvzøm dvbvng shìwe rìsvng gvza oqã wawe dang, cil mvjàn gvsat

we taq kèní dvshaqí nvl lvm dvpvt kà dvmvn vrà shìwe nø paqzí vdèrì írvt jór lún we íe. Móngdàn vrvm kèní mvsatò we dvrà rìsvng vpø' lvm waì.

Shvngka dvp rìsvng gø gvzà oqà íe. Wedø jòwe shvngka rìsvng gún dvtøpmò nø dvshvng lvm dang, wedø dang vrvm taq tøptøp wa dvzøm

dvbvn shìwe vnvm vchvng rì, shvngbè svng gvzà oqà íe. Wedø nàmaq dvzaq shì rvtnø kadø bønwe svng vsvng vrvmí tálún, yv'nglún

bø'shá we íe.
              
 

Ukraine dvpvt nøngmaq taqrá kámnøt taq kèní Gvray kaq vjúrøt dvbv:ngì. Ukraine Móngdàn svng roqgvr dvbvng we Gvray àngmè svng vlø'm

shànø vjúrøt lvm waì. 
        
 

Vatican kèní Russia nvng Ukraine dvhøø cømsaq mòngzøl we lúnlvm dvpvt kadø wá dvzvr we ínigø jòwe dang taq cvnlvm tvlú íe. Yãnila taq

Cadinal vní gø kaq Ukraine svng móngzøngcèrìí gømò we dang taq kèní dvbvng lvm dvzvr bø'shà we íe. Cadinal vní gø' vlwe nø Svrabín

Koqkám pè ànggúng nan vlwe dø tiq dvchá ínø, mvjàn nø dvru kéò rì wàò we bvnli íe. We rvt ènvr nøng. Mvgám mvshvlàwe dang svng eyàng

nøng' wa tvptvp kèní shø'n ràwe rvsvng cèrì gø' vrvmò dvle gø íe, wanø Svràbín Koqkám pè Fransic í shøn bø'à we íe.