Spain Móngdànò Cadinal Vsak(87) nø kàngpè vdúng taq yup ámì we shvngka.

Spain Móngdànò Cadinal Vsak(87) nø kàngpè vdúng taq yup ámì we shvngka.

Nà shì bøì we mèpvng ngám shìwe vsvngrìí kàdøí we rì taq kèní dvdvm mvrøt dvzvr mvyø'e má?
            
 

 Mv-vl bø'ì we Cadinal nø Fransican mvdo kèní ínø, Gvrayò àngcèrì íwe vnvm vchvng rì dvpvt gvza dvzaq dvzøm shì bøì we íe. Cadinal

shini marvsv:ngò we rvtø taq Ang nø Seville mvdoò Svràdò kù dvzøm dvbvng shi yà:ngì we íe. Cadinal nø ang shì bøì mvpvng ngám shìwe

vsvng rìsvng yadø dvdvm mvrøt dvzvr mvyø' we íe.
        
 

Angnø vní shvlá hø'lvbo shvrø gøqap we mèpvng vsak (87) nøng Kángpè vdúng taq yup ámì we íe. Angnø cì, Svràwùn bønlvm detgvdū lung

we yv'ng kèní Fransican shvrúngshú jaù bønlvm kà ciqrvt shìnø shvngømré taq Gvrayí go we íe. Fransican mvdò rìnø St. Fransic Asisi dø

cvmwe bvnlì rìsvng shvmán jèjú íe wanø vtoò we íe. We rvtnø pvn vrvm svng shvlá we dang kaq yv:ngòe. Vsvng pvn vrvm svng nøntlúm we íe.

Vsvng kà rìsvng táàò weí dvgá vsvng rìsvng nønt shøm dvbū dvzvr nø cømsaq mòngzøl we dang svng lún dvzvr ràe. Cadinal ígø wedø bøn dvzvr

mvyø'ngè wa shøn yv:ngà we íe.
 
 

Angsvng Cadinal nø Svràbín Koqkám St. John Paul (2) í, (2003) nøng taq rvsvng yv:ngà we íe.