Tuqrawe August 27 ni taq wàlv́m íwe lìpùng mè taq vsvk 80 nǿng lv̀mpvng Cardinal 16 gǿ svng gø rvsvng lv́m íwe

Tuqrawe August 27 ni taq wàlv́m íwe lìpùng mè taq vsvk 80 lv̀mpvng Cardinal 16 gǿ svng gø rvsvng lv́m íwe

Svrabín koqkám pè Francis ò 8 boq waboq lìpùng mè svng August shvlá taq wàlvm íwe svng shálún shìe. We lìpùng mè taq Cardinal àngshv́r rì svng gø rvsvng lv́m íwe dang May shvlá 29 ni taq vrìng bǿà wegø íe.

We lìpùngmè taq rvsvng lv́m Cardinal àngshv́r rì 8 gǿ nø Europe móngdàn rì taqkèní ínø Asia móngdàn rì taqkèní 6 gø, Africa móngdàn rì taqkèní 2 gø , America tìbo móngdànrì taqkèní 1 gø nvng Latin America móngdàn rì taqkèní 4 gø rì íwe svng shálún shìe.

Asia móngdàn rì taqkèní rvsv̀ng lv́m íwe Cardinal rì nø East Timor móngdàn kèní Arch Bishop Carmo Da Silva, Goa, India móngdàn kèní Arch Bishop Filipe Neri António Sebastiao, Arch Bishop Anthony Poola, Hyderabad , Singapore móngdàn kèní Arch Bishop Giorgio Marengi, Mongoliar móngdàn kèní Arch Bishop Ulaan baatar nvng South Korea móngdàn kèní Arch Bishop Lazarus You Heung-sik maq íe.

Yadø Asia móngdàn rì kèní rvsvng bøà we Cardinal rìnø Mìwà, Vietnam, Myanmar móngdàn nvng dvgá Asia móngdàn rì íwe dvshà we móngdàn rì dvpat dvsháza shóngnøt bvnlì rì téwa tubùm dvbangā lúnlv́m dvpat ratnø gø íe wanø Cardinal Charles Maung Bo taqkèní vtàn-vtnà we gø íe.