Døngkū Vrvmnø Svsana Taq Apnúnglvm Angshvkse Dvtvnwe Døngjá Vlwe íe.

Døngkū Vrvmnø Svsana Taq Apnúnglvm Angshvkse Dvtvnwe Døngjá Vlwe íe.

Mònggàn døngkūrì kà vrà shìwe rìpòngsvng døngkū angnī June shvlá vdùng Vatican taq pvng bø'à we íe. Nøngmaqò døngkū vrvmsvng mission

Svsana Taq apnúnglvm angsvksè dvtvnwe døngjá vlwe íe. Tìlup kámshì bø'à we nøng maq gø'vrvmnø shvnshér palàcè nvng vkàngpè Yesuò

dvbù shvngka svng vtolún bø'shà rvt Gvrayò angcø'àngcèrì svng tiq dvdvng dvshvnglvm ego bøshàwe íe. Nàí nvhø'm bø'à we vsvngrì svng

Gvray nø kadø íwe shønnàlvm dvtvnlvm dvdvmò má røtkà íe.
 

 
Døngkū vrvmnø dènì mònggàn svng svrèdvzvr wenø zērshìwe dangsvng shvmángò nø vlràe. Døngkū vrvm, vrvmvrá nø dvbù nø vtolvm, tvpníshì

nø dvbvngkélvm nvng shaqcvm we vsvngrì svng nønggùn zídvshvtnò weí mònggàn nø shóngnøt taq lvnggá we mvtú lúnshì lùngì. Vsvngrì nø

døngkū vdùng taq tiqgø' nvng tiqgø'kadø shòngnønt dvtvn lvm vdènø kapvn shóngshi we svng røtlvm svrè shae.

Tiqkvt lakvt chøm vsvngrì dvpvt gvt dvrè tiqpvn pvn wànaònø shóngnøt dvtvn we dangnø yàtwe mví. Tiqkvt kvt døngkū vrvm taq gvzàtèwe

nøntvtøp dvzvr lvm mvwàò dángtè kadvgvpgø shìwvt nø mvbøn lùngwe íe. Wedang nø shvnshér we, palàcè dang nvng shóngnøt dang taq

ripwe íe.
 
 

Vzáng dvtut Svrabín Koqkám pèí shønò wenø  “Vdènø døngmvn we mvngá lvpsvng taqrip nø Gvray kà tāwenø Gvrayí tvrà shørò we dang

cvnrvtnø mònggàn svng mòngzøl lvm lvpsvng ripwe írvt Gvray nvng vhøm nø vzømlvm dvzaq shìwe vsvngrì dvpvt shvksedvtvn we

døngkū íràe.
 

“Shóngshiwe døngkū vrvm maq dvsháză nøntsvng rvtø vrvm zvnglvp taq mvngá dvnùngò we shølshú wáshì ràe. Gvrayò kámvrvm we

kà dvtutshú rìnvng nøngmaqò dvshà mvhøt lùng nvng shìlvm dangsvng jól lúnò we Vkàngpè svng shvkse wáshì lvm wàì” wang dvtit dvlè kà íe.