" Indonesia móngdàn, Sanggau Sasvna dvpvt Svrado àng shvr vtoshì lúnò we "

" Indonesia móngdàn, Sanggau Sasvna dvpvt Svrado àng shvr vtoshì lúnò we "

Svrabín Koqkvmpè Francis ínø shvrúngshú pè Valentinus Saeng, CP kaq Indonesia móngdàn, Sanggau Sasvna dvpvt Svrado àng shvr ku rvzvng bøā we íē.Rvzvng bø'à we Svrado àng shvr pè nø vkvt bvnlìrì we svradopè Julius Menccucini, CP ò shvra taqø dvle shìlvm ílú:ngè wanø svradopè Julius Menccucini, CP í vlē a:mi we vchuk shvlá (8) ni Noqngøm me vdòng Missa rvtø taqø shvngømré rì kaq svng shá dvzvr bøā we íē.

Vkvt dø shá dvzvr weí vrìng lvm rvt Indonesia móngdàn dvpvt Svrabín Koqkvmpè ò kønmvng íwe Munciyō Piero Pioppo taqkèní tiqkvt Vatican ò dvrá shàng dvkvng kàru svng vtōshì lúnbø'à we dang, Vkvt Svrado àng shvr ku rvhiq lún bøā we shvrúngshú pè Valentinus Saeng CP nø Borneo rvgaq taqkèní íe. Yanila taq Philosophy and Theology dang taq Paqzí cvnshì nø dvzaq dvgvngshìe. Shá dvzvr we kàru taq Svrabín Koqkvm í kàciq gvlshì bø'ì lòng svng shá dvzvr shì bø'ì rvt Sasvna vdòng shvrúngshú rì, dvzømshú Mama rì shølshú rì, shvngømré rvzvngcerì nvng tiqdø dvbù nøntshøm lún we dang, àng shvr rvzvngshì bø'ì we svradopè dvpvt gø gvzà vjúrøt dvbvng we dang, àng gø vyvng roqshú àng shvr ku dvdut nø vtō lúnlvm rvt dvkvm bøā.

Indonesia móngdànò Svrabín Koqkvm kønmvng pè taqkèní gø svrabín pè ínø vkvt bvnlì taq dvzaqshì we svradopè Menccucini kaq àngí wà bø'à we bvnlìrì rvt gvzà oqā wà bø'ì nø, Sasvna vdòng bvnlì rí àng dètdán mvmè rí bø'ì dø mvmè vháng bø'ì dang svng gø dvbáo nø shønòe.Svradopè dvzaq dvgvngshì bø'ì rvt Sanggau Sasvna nø vháng nø vlíng vpò lúngì. Svrabín Koqkvmpè í nø Vkvt Sasvna bvnlì wà we svradopè ò zitnønt, Pvlàcè ìshøt, vyvng roqshú bvnlì taq vzaqshì we nønt, shølshú àng vzvm rì ínø Sanggau taqkèní Catholic Sasvna svng Gō rø gø rvmshì we mvdvm, àngmaqò kūngà shaq rì gø vháng mvnshì bø'ì. Gvzà vnvp we Noqngøm chøm me svng gø èwáā bø'shà, wàe.

Sanggau Sasvna nø Kalimantan Byīneò nvmløp lvp, Myoqdō nvng (1553) Gilu mìdā vrú:mè.

Sanggau vdòng Vsvng gōrø (565,600) gø' vlē. Wè dv'ngte vl yv'ngkèní (55) yà-wet nø Kalimantan nvmløp lvp Sanggau nvng Sekadau rvgaq vl  Dayaks taqø vlē we íē. Wè vdòng (30%) nø Malay dvci cèrì ínø (7%) nø Java dvci, (5%) yà-wet nø Miwa dvcì ínø (3) yà-wet nø dvgá Vsvng pvn dvcì rì iey.

Sanggau Sasvna svng (1982) Jun shvlá (8) ni taqø nvmlat vrvng pvng yàngà.

Wèlòng nø Pontianak gaichuk sasvna lvngpvng vl gaichuk sasvna tiqlòng íe.