" Putao myoqnē vdòng taqø 2022 nøng Kvndí kàru nvng Tong laqyà komiti Pvlá mvyùme shòlaq gūchangrérìò dvløt kung fanal bóy nvng dvgung shvring we tvyø " wà bøā dang

" Putao myoqnē vdòng taqø 2022 nøng Kvndí kàru nvng Tong laqyà komiti Pvlá mvyùme shòlaq gūchangrérìò dvløt kung fanal bóy nvng dvgung shvring we tvyø " wà bøā dang

  Putao July shvlá ( 7 )ni
Kachin Byīne Putao myoqnē taq, myoqnē vrvm kvndí kàru nvng Tong laqyà mvdò taqkèní shøl nø, 2022- nøng kvndí kàru nvng Tong laqyà komiti Pvlá mvyùme shòlaq gūchangrérìò dvløt kung fanal bóy nvng dvgung shvring we tvyø svng July shvlá ( 6 ) ni dørøm (3) nāyi rvtø taqø Putao myoqnē Pyiduq Ágvzá wáng taq wà bøā we íē.Nvmlat taq Kvndí kàru nvng Tong laqyà komiti kèní Tong laqyà gónggwá belaq í lám dvtán weí shvring bøā nø pōluq bóy taq mvnbāng gønzøp lvnglì mvdò nvng pūdóng gønzøp lvnglì mvdò ní dvløt we taq mvnbāng gønzøp lvnglì mvdò kèní 4_3 Chvng í nvmbvt tiq lún bøā we íē.
          

Kønpaq shvring we taq Kvyaī øp kv'ng စီမံအုပ်ချုပ်ရေး mvdò nvng myoqnē øp kv'ng စီမံအုပ်ချုပ်ရေး mvdò, kvyai, myoqnē Kvndí kàru nvng Tong laqyà mvdò í gønsøp lànglì rì àng nø àng shvra taq mvnshì we yv'ngkèní shvlá vtv'ng mvnshì we gønsøp lànglì rì kaq svng rvzvngò nø Shvlá vtv'ng gønsøp lànglì kønpaq, Gú mvmè záng lúnò we gønsøp lànglì kønpaq, nvmbvt (2) lúnò we kønpaq, nvmbvt (1) lúnò we Pvlá kønpaq nvng gø' vrvm kaq svng shvring we sóybyárì taqkèní kønpaqrì svng zí nø shvring we wà bøā.

Vkvt dø dvløt we bóy kung taq Putao myoqnē, mvchvng boq myoqnē taq vl kvndí dvci cèrì kèní bōlúng (11) mvdò nø Jun (7) ni kèní dvløt pvngshì lúngì nø àng mvnggá nø, shòlaq gūchang zilàngré rì shiqshàn lúnlvm nvng gønsøp we dang taq nønt lúmlvm, vru ra pvnrì kèní yìlshì lúnlvm rvt shòlaq gūchang zilàngré rì tasvng vrvm vrá nø muqhøm wáshìlún we laqyàrì vl lvm rvt mvnggá gvlshì nø wáshì we íe, wànø kvndí kàru nvng Tong laqyà komiti Vgo pè íwe vshaq sonowt dinlaq taqkèní dvci cèrì kaq svng nònggùn zi kà shøn bø'ì.