Svrabín Koqkám pèí Svrado Gvbàrì Singwe Rúng Taq Svmaré vchømgø' Svng Bvnlì Dvnùng bøà we Shvngkà.

Svrabín Koqkám pèí Svrado Gvbàrì Singwe Rúng Taq Svmaré vchømgø' Svng Bvnlì Dvnùng bøà we Shvngkà.

Svrabín Koqkám pèí Svrado Gvbàrì Singwe Rúng Taq Svmaré vchømgø' Svng Bvnlì dvnùng nø shvri bøà we íe. Vatican nø mónggvn taq

vlwe Svrado rìsvng rvsvngò nø bvnlì dvnùngò we bvnlì døngjá vlwe íe. We Svmaré rìnø Cotholic sister rì, ínø France pindit móngdan saletion

dilation Yvonne Reungoat íe. Angnø saletion dilation mvdò kèní vhángvtvng we bvnlì døngjá taqgø dvzaqshì yvngí we ínø, (2019)nøng taq

(7) gø' vní mvdò kèní nvmlvt rvsvng lúnyvngà we íe.
 
 

Vrá tiqgø' nø Italy Móngdàn Fransican dilation mvdò kèní Rafaella Petrini íe. Ang gøni Vaticanò vhángvtvng we shvrà taq nvmlvt bvnlì døngjá

dvnùngò we svng vtolún bø'à we Svmaré tiqgø'íe. 
 
 

Vchømgø' wagø' nø shvngømré vsvng kèní Dr. Maria Lia Zervino íe. Angnø mònggàn Cotholic shvngømré kèní Svmaré mvdoò vgoangkémè

gø íe. We Svrado rìnvng singwe vaticanò rúnggvba nø mónggvn vrvm Svradorì ràwe shvrà taq Svradorì rvsvng lúnlvm dvpvt røtnèm shìwe

lvgà rìsvng jepmò nø vdūwe svng Svrabín Koqkám pè kaq tiq dvtvng dvtvnòe. Svrabín Koqkám pèí gø jepmò nø vdūwe svng mvsat shvdøng

dvnùngò we íe. We rúng gvbà taq Svmaré rìgø dvzøm shìwe taq vbá lúngì we íe.