India Tinilvp Svsana Nø Cotholic Zùngmang (500) Gø Kaqsvng Paqzí Tubùm Dvbvng We Shvngkà.

India Tinilvp Svsana Nø Cotholic Zùngmang (500) Gø Kaqsvng Paqzí Tubùm Dvbvng We Shvngkà.

Mariayapuram St.Mary Cathedrel kèní Cotholic Zùngmang (500) gø' dvpvt (2022) nøng kèní zúmdvng we dvrè rìsvng vtò lún bø'à we íe. India Tinìnlvp Andhra Pradesh
wamà Cuddapah Svsana kèní shvrúng shú jò Birusu Raja í, dvrè svng shvngømré vsvngrì kaq zíbøà we íe. Nøng vrvm paqzí dang taq dvshà we zùngmang rìsvng dvbvngò
we íe. ‘Dvlú dvgø'shìwe dangnø vhánglvmò zuqsi íe’ wàdø zùngmang rìsvng tubùm dvbvngò wenø angmaqò døngkū bvnlì tiqdvng dvbvngò we gø íe.

Wedø dvbvng shìwe nø S Bhai kèní shvri shìwe dvrè íe. American, St. Peter Svsana taq vlwe India dvcì tiqgø'í, shvrìò we íe. Angnø vkvtdø dvshà we zùngmang rìsvng dvbvng
shìwe (10) nøng vhøm bøwe íe. Cathedral svnggø (7) nøng dángtè dvbvng yvngà we íe. Wedø dvbvng we vlūshin svng gø gvzà oqa íe.

Vkvtdø dvbvng shìwe nø kadv'ngtè luqwe nvng mvluqwe nø vchvk mvdøng mví. Dvbvng shìwe vsvng gø'ò nøtløm we taqkèní dvshà gø nvng vdá mvgàm rì tiqdø cvnshì lúnshì
we nø dvbùlvm íe.

Nøngmaq svng shvlá wacè Paqzí cvnshì lúnshì dø tubùm dvbvng shàwe vlūshin rìsvng nøtløm dvzvr we Gvray svng gvzà oqa íe wanø zùngmang N Ratnam íshøn we íe.

Dvshà we chøm døngkū vsvng rìgø angmaq Cvmrérìò lvpvt zidang vhánglvm dvpvt paqzí cvnshì ràwe íe. Wedø íniwa tiqni taq vsvng mvdò dvhøø, shvlá wà riplúnlvm nvng
móngdan dvpvt vjú vlwe vsvng rì ílunge. Paqzí dangnø lvpvt zidang vhánglvm, dvshà we dangsvng shvlè lúnlvm zuqsi ílùngè wanø fr. Raja í, shøn bø'à we íe.