"Putao Jau Gwørwang me vdòng mvring rvwá vrvm kèní Mongkà svra rìò Mongkà Mv-ngù (Wutsawk) vjúrøt lìpong " ( 10 October 2022, Nvmlat nī )

"Putao Jau Gwørwang me vdòng mvring rvwá vrvm kèní Mongkà svra rìò Mongkà Mv-ngù (Wutsawk) vjúrøt lìpong " ( 10 October 2022, Nvmlat nī )

Putao Jau Gørwang me vdòng  mvring rvwá vrvm kèní Mongkà svra rì Mongkà Mv-ngú Wutsawk taq shvngbe Svra rì (17) gø', Putao Kong mvring St.Anthony Noqngøm chøm wang taq kømngø'm ráì. Vkvtdø kømngø'm ráì we taq myitkyina Shvrúngshú kvbapè Msgr.Dr. Peter Hka Aung Tu í nònggùn zi Mongkà Mv-ngù vjúrøt lìpong( Wutsawk) svng nvmlat nī Vsháng tut, ( 8:30-10:00 am ) høq Mongkà (1) rvtø wálúnshì bø'ì. Vyang rvtø ( 10:30 - 12:00 am ) høq Mongkà (2) rvtø ( ထောက်ရှု) dvdvm vjáng weí Pvlàcè kvmnønt nònggùn kūngà lùshì we bvnlì wálún bø'à we svng shálún shìe.

Dørøm tut, (1:00-2:00 pm) rvtø taq nø Vkangpè Yesu Hkristu dvshà mvhøt vtù vrè shvt vhø'm yangà we Chutchvng we wurgang tvrà (14) dang svng dvdvm só:rì vjúrøt we, Rosary rø nø Gvray lvpkà svng dvdvm nø Gvray Angmè wur taqkèní vjú vra røt tvle we tvyø rì svng gø  mongzøl dø dvnung wálún bø'à we svng gø yvnglún shìe.

Wè mèpvng dørøm ( 3:00-4:30 pm ) rvtø taq nø ( ခြင်းလုံး ) àng mvdò ku mànshì we, ( 6:30-7:30 pm ) rvtø taq nø shànshér we Vkangpè Yesuò Kàgvp ( Chyoipra hkum sin ) svng vjúrøt vsòng weí yøp vjú nvng tvpwa rvtø dvtøm nvmlat (1) niò Mongkà Mv-ngù (Wutsawk) vjúrøt lìpong svng Pàmvràce wálún bø'à we svng shálún shìe.