Asia Svrado Gvbà Mvdoò Vníni Wawe Zuppòng Gvbà.

Asia Svrado Gvbà Mvdoò Vníni Wawe Zuppòng Gvbà.

Asia catholic Svrado gvbv mvdoò vnínì wawe ni taqgø Asia vrvm taq nøtlø̀m lv́mdang wawe
kà vgò taq kèní vrá dvtut vrà shì bǿì we íe.

Vníni wawe ninø Out (14) ni taq ange. Weni taq Cambodia, Lo, Indonesia, Philipines, Thailand,
East Timor, Korea , Malaysia nvng Singapore móngdàn vrvm taq kèní kà vrà shìwe íe.

Móngdàn vrv̀mò shølshú vgo taq kèní vrà shìwe ang mvtú nø shvngbèí síngshá shìwe kà tiqpv̀n
wa lv́nglv́m svng nøtkǿm we íe. Tiq móngdàn nvng tiq móngdàn màbúng we ínigø tāsvng
vzø̀mì nø̀ mvngùshì sórí tiqdø dvzaq shìràe.

Gaíchuk Svrado gvbà Gintaras Linas Grusas í, CCEE ò, dvle Urawpa vdùng taq tiqdø vrv́m vrá
lv́m nvng dvdvmì we dang svng chaqdvp dvzaq shìlv́m yv́nglún shìwe íe.

Weni svng gø nvmlvt nidø tiq dvchá ang mvdo angmvdo gvrán shìnø kà vrà shìwe, mòngkà mvngù
shìnø lipòng svng dvdáng bǿà we íe. Weni lipòng taq misa kàgvp núng vjúrøt we svng Cardinal
Baselios, Cardinal Cleemis, Malankara í, shølò we svng shálún shìe.