St. Agnes of Montepulciano

St. Agnes of Montepulciano
St. Agnes nø dvgùng vlwe dø̀ngku tiqrvpcè íyv̀ngì. Àng cv̀m lvpat taq kèní pvlàcè dang, kámnøt tvrà taq gvzà nøt lø̀mnø dvzaq shì yv̀ngì we tiqgǿ gø íe. Àng vsvk (9) nǿng taqkèní ni Desaro taq vlwe shvrúngshú zùng taq rung yv̀ngì. We Francis shvrúng shú zùng taq rung we rvtø̀ àng vsvk (15) nǿng taq we shvrúng shú zùngò shølshú tiqgǿ ku bv̀nlì døngjá rí dvzaqshì ráì we gø íe. We dvzømshú mvdò svng nø Svrabín koqkámpè Nicholas (4) gǿ bat taq pv̀ng yv̀ngà. 
Àng vlwe Montepotiano wamà taq Dominican dvzømshú mvdò svng poqpv̀ng lv́m gø shun dvzaqshì yv̀ngì. AD 1298 nø Celebrated Convent wawe tiq mvdò svng poqpvng lún yv̀ngà. We mvdò taq 19 nǿng døp øpshølnø lvpat béyv̀ngì wegø íe. 
St. Agnes nø Gvray ò ngór dvgùng kèní dàlv́m dø íwe nvmik gømlarì dvtan lúnwe tiqgǿ gø íyv̀ngì. Àngnø we dvzømshú zùngcèrì shvngbe mvdàm mvkup gvrwe shv̀nshér vsv̀ng tiqgǿ gø íyv̀ngì. Àngò góngnøt mvsø̀n shvngbe nø Gvray kaq apnúngshì we nvng kámnøt ngàngdøngwe tiqgǿ gø íe. Weratnø àngbø̀ng kèní vjúrøt dvzaqshì we vsv̀ngrì gø ìshøt jejúrì vtoshì lún dvzv́r we shv̀nshér vsv̀ng tiqgǿ gø íráì.