Muqdung muqne taq nv̀mbø̀ng mvrùmè møtráì we rat paqzí zùng 1 chø̀m nvng vsv̀ng chø̀m 13 chø̀m gvyaqshì bǿì we.

Muqdung muqne taq nv̀mbø̀ng mvrùmè møtráì we rat paqzí zùng 1 chø̀m nvng vsv̀ng chø̀m 13 chø̀m gvyaqshì bǿì we.

Mun móngwv́l, muqdung myuqne taq August 2 ni vsháng tut nv̀mbø̀ng mvrumè møt ráì wervt paqzízùng 1 chø̀m nvng vsv̀ng chø̀m 13 chø̀m gvyaqshì bǿì wanø̀ sv̀ngpv̀n dvsháza mvdò taqkèní shálún shìe.
Vsháng tut taq we wamàø nv̀mbø̀ng mvrùmè møt ráì wervt Muqdung myuqne, Daung Ban mvrìng taq vl we paqzí zùng 1 chø̀m nø gvyaqshì bǿì nø Gvloqdoq mvrìng taqø gø mvrìng vsv̀ng chø̀m 13 chø̀m gvyaq shì bǿì. Wedø nv̀mbø̀m mvrù mè møt bǿì wervt vsv̀ng chø̀mrì nvng paqzí zùng chø̀m gvyaqshì we rì bø̀n bǿì we ínìgø vsv̀ng rì zá vtøp we, dvláshì we nø mv-vl we svng gø shálún shìe. 
Wedø gvyaq shìbǿì we zùng chø̀m nvng vsv̀ng chø̀mrì svng sv̀ngpv̀n dvsháza tubùm mvdò taqkèní tubùm dvbangā we bv̀nlìrì yànggùn wáā ò we svng gø shálún shìe.