St. Joseph

St. Joseph

(Carlo Caetano) nø Ireland móngdàn Iskia taq gv̀l yv̀:ngà. Àng cv̀m lvpvt taqkèní Gvray kámnøt tvrà taq dvzaqshì we, dvshà vsv̀ngrì kaq shóngshì we dang taq bø̀ng shv̀ngwe tiqgǿ gø íe. Àng lvpat (16) nøng taqnø Italy móng St. Franciscan mvdò svng nv̀mlat gòng yv̀:ngì. St. Francis mvdò svng gòng bǿì mèpvng nø àng kaqsvng Gaetano wawe bø̀ng kèní John Joseph wanø̀ bø̀ng líng shìyv̀:ngì.

Àngnø cv̀m lvpat kèní Gvray kaq noqkám wedø tiqdvchá vm-aq vnat shìwe, sha ké vnvtshì we rì taq dvzaq shì yv̀:ngì. Àng lvpat 24 nǿng svng tuq ráì wekvt nø Novice Master tiqgǿ bø̀n ráì. AD 1702 nǿng taq shvrúngshú vya svng kámshì yv̀:ngì. Akantarine wawe Italy móng vlíng vpo lv́m tvrà taq gø dvzaq shì yv̀:ngì.

Àng lvpat vsvk té ráì rvtø̀ taqnø àngò bv̀nlì døngjá kèní nvrshì lv́m shún shì yv̀:ngì nø dvrá tvrà taq shvdøk shì lv́m dvkáng shì yv̀:ngì wegø íe.

St. Joseph nø za vsvngrì kaq shvzǿmā we, nøt shvlømwe nvng dvkøq wàng vkǿn we vsvngrì kaq shv-vm shv-aq we shv̀nshér vsv̀ng tiqgǿ gø íe.