Shansherme.mariagoretti

Shansherme.Maria goretti

Zilàngréri svng roqgar we shansherme.maria goretti nø dvshà nø konátvmu wavm we døngku kèní 1890 nøng taq Italy móngdvn natdùninth Myo taqø shøq yvnga.weme vsvk 9 nøng dvgvp Angpè nø kaqlìí gvzà zà nø màvlami mepvng angmè nø shigongrvtmàhvng tvmūbvnlí taqø dvzaqshi dvgvp Mariagoretti nø cvmréri kaq svng roqrìm we i angmè svng dvpvng yvnga. 1902 nøng taq nø vsvk 18 nøng í we Alatsonda wa tø Shi we lvngaré tiqpè nø chøm taq mariagoretti tiqme wa vl we svng sháò rvt gònglongì.ang nø mvrà nvng màbúng dø vléshi mvyø we taq Mariagorettiì vgvmò e.Alatsonda nø dvshàshà shvngár Shi lòngì kvt angvpat a:pnóng shi nøntrvt shìnø vkìlongì dvgvp Alatsonda nø sønarìlòng i.wekvt mariagoretti dønggùnglap shame a:tuqònø a:tshí yvngì.Ang svng welvngìni Vyépō Cirong svng sháò ni gø vwadø íyvngì.(24) nàyí, mepvngni taq vsvng shatpèo mvrà svng chutnangò e wa shøn sóri màvl yvngì.We rvtø taq weme nø 12 nøng dvngté wa ie. Alatsonda nø Tóngdvn(30)nøng høq ròngo rvtø, shøngrvntiqlòng chaqdvp dvtan lòngà.we lòng shøngrvn taq mariagoretyí nø angkaq mòngwe nvmpanri svng zía:tnà wa e.we mepvng Alatsonda nø nøntlíng shì we jèjú a:toshilúno nø mariagoretti angmè svng di nø mvràchútna lvm vroqshilún yvngà. Svrabyinkoqkvm pius (12)pè wa pè i nø Mariagoretti kaq angmèmvrdvngø shansherme wa vyā dvnglònga kvt Yalòng mvbin svng shvngømré mvshøl taqø manádømrø tiq lòng gøí yvngì. Wemeò vjúrøt kà rvt dālvmjórdvgōngbúng nø wevdòng taqni Alatsondaò mashvlà we laqyàri língshilún nø tévtvng we jordvgònggúngshàng we tiqlòng íyvngì.