St. Lawrence

Dvshà mvhoq vsvngrì kaq roqgvr we st. Lawrence nø Roma myoqò shvrúng shú tiqpè íyàngì. Àngnø shvngømré dvrèrì nvng ãlurì svng roqgvr lvm bvnlì døngjá zíyàngà we íe. AD 157 nøng Svrabín koqkám 2 pè wapè sixtus nvng st. Callixtusò rvgaq vdòng dvgàm taq shvrúng shú 4 pè svng shat bøà we mèpang àngtaq vlwe shvnshvŕ we gùmrì svng namò nø dvshá vsvngrì kaq vwálâ yàngà. We lòng svng tábøà we Roma koqkámpè í st. Lawrence svng shvngømrérìò pø shvngbe àng yángsvng zílvm dvkámvtna. 3 ni naq bøì kat st. Lawrence nø àngí dvbang bøà we dvshà vsvngrì nvng tuq ráìnø koqkámpè svng yarì shvngbe nø shvngømré pørì íe vlòe. Koqkámpèí àngò welòng kà tábøà kat vtang shaq shvmná mvgør weí st. Lawrence svng svmi mvlam mvdàmø derò nø shat lvm dvzvŕ bøa. St. lawrence nø àng shi shaq màle ke koqkámpè lapsvng poshì nø góng tiqpa nø nøná:mì nø tiq pa svng epo ngvtnà wanø shøn yàngì. St. Lawrence nø àng shì lvpat mvbe dvgvp kèní Roma myoq svng vlíng vpo lvm dvpat vjú røtâ yàngà.