St. Stephen

St. Stephen nø Hungary móngdànò gàmzø koqkám tiqpè íyàngì nø AD 969 nøng Gran myoq taq gvl yàngà. Àngnø Hungary móngdàn vsngrìò kámnøt taq cvnø àng lvpat 10 nøng taq tìløp kámshì yàngì we íe. Àngò móngøp we koqkám bat taq mvjànrì shvngbe svng vgám lúnò we ínø àngò lvpat bvnlì nvng vmíng vkángrì shvngbe svng gø Yesu àngmè mariò wvl taq gvl shìyàngì wanø shálún shìe. Àngò røtnímshì we taq kèní Svrabín koqkámpè kaq àngò móngdàn vdòng dvbùshvng bvnlì wáãlvm dvzvŕ yàngà we íe. St. Stephen nø àngò cèlcerì nvng móngdàn vsvngrì dvhø vdu vbóngdø vtoq vtip we rat mòngzøl dø vl lúngyàngà we íe. Dvshá mvhoq vsvngrì kaq dvsháza nø tùbum shìlvm dvpat gø kámshì yàngì pègø íe. Móngdàn vdòng taq kámnøt tvrà taq vtù we rì kø we vsvngrì nvng vsvng døngku dvchvp we rì kaq gvzà rvnaq we mvrà dam zíòwe íe. Àng gvzà shóngshìwe àngcèpè Iméris nø cvmré lvpat taq ni zømwàng tvrà taq shìá:mì kat àng shøn yàngì we taq àngsvng Gvrayí shóngshì we írat àngsvng go bøà we íe wae. Gàmzø koqkámpè st. Stephen nø AD 1038 nøng taq shì yàngì nø àng svng Hungary móngdàn svng roqgvr pè wanø vrìng yàngà.