St. Robert Bellarmine

St. Robert Bellarmine nø AD 1542 nøng taq Italy móngdàn muntebuchi myoq taq gvl yàngà. Ang vsvk 18 nøng taq angpèí màdvzaŕ we vdòng taq Roma myoq svng di nø yesú gain svng gòng yàngì.

Ang shvrúng shú jau vya kámshì bøì mèpvng Belgium móngdàn Lovine University svng welòng University taq vlwe professor rìnvng vhøm nø mvngushì lvm dvpat dvzvŕ yàngà. 7 nøng naq ráì mèpvngnø Roma taq vlwe college tiqlòng taq Gvray paqzí shvngøt dvtú we svrà tiqpè ku wáshì yàngì. Angí vru yàngà we Catholic shvngømré kaq roqgvr we taq vzivrùng walvm wawe lìga bok nø gvzà bøngté yàngì we íe.

We lìga bok taq shvnshvŕ kàrurì nvng shvngømré shvlshú vgorìò lvpat mvshølrì vbá we ínø Protestant rìtaq kèní gø gvzà vto yàngà we íe. We lìga bok nvng singnø London myo taq vlwe lìga sing angkàng tiqpè taqkèní gø yapè svradoí vru bøà we lìga bok taq kèní shvng gvmsùng gvzà lún bøà wanø vtàn yàngà.

We wa mvtaq St. Robert Bellarmine í Gvray mòngkà nvng kàngpè yesu nvng sing we lìga rì vru yàng ngàwe taq kèní svngpvn kà mvmè taq kà tvle vru bøà wanø gø shálún shìe. 1598 nø taq St. Robert Bellarmine nø Cardinal vya svng kámshì lún bøà nø trant council taq bvnlì wayàngì we íe.

Angnø Vatican myoq taq ngór dvgùng vlwe tiqgø ínìgø ang v:maq we nø zidòng nvng gvro múng wa á:maq nø angò zaqshøprì shvngbe svng dvshà mvhoq vsvngrì kaq zíò we í tùbum shìyàngì.

Italy taq 4 nøng naq bøì mèpvng nø Gamua myoq taq vrá vlnø Gvray bvnlì taq dvzaq dvkángshì yàngì. We mè pvng Svrabín koqkám 5pè wapè Paul taq kèní angsvng kàru dap súngshú tiqpè ku dang bøà we mvtaq vchyak we bvnlì døngjárì zíò nø dvzøm shìyàngì we íe.

Angò lvpat nø AD 1620 nø taq lvpat béyàngì.