Mvjàn mvhøt lvm vhø:mò vsvngrì dang shún lvm dvpat Vatican shvnvng taq vlwe Russia Krønmvng gvsa róng svng Svrabín koqkámpè Francis diwe.  

  Mvjàn mvhøt lvm vhø:mò vsvngrì dang shún lvm dvpat Vatican shvnvng taq vlwe Russia Krønmvng gvsa róng svng Svrabín koqkámpè Francis diwe.

Vle vmì ww lvbán 5 ni taq Svrabín koqkámpè Francis nø Greek móngdàn gàmzø President pè nvng vhøm bøì mèpvng Russia Krønmvng gvsa róng svng dì bøì we íe.

We shvrà taq 30 minutes dángte naqhøq Russia Krønmvng gvsa pènvng vhøm nø mvjàn dvhø taq mvhøt lvm vhø:mò we móng vsvngrì ò tvrà svng dvmvn nø shú:nò we íe.

Yalòng nø Svrabín koqkámpè Francis Russia Krønmvng gvsa róng svng diwe nvmlat boq íwe svnggø shálún shìe.

  Ukraine móngdàn Kyiv myuq taqgø Svrabín koqkámpè ò bvnlì shvnvm gvsa tiqgø rungwe ínø mvjàn vdòng taq vdøn ke bøà we í we móng taq mvjàn cvn cvn zøm lvm Vatican kèní gø shú:nò nø shvrvm shvrá lvm tvrà tóngā we íe.