''Philippines Móngdan mvnila gaíchuq sasvna dvpvt gaíchuq svrado angsher tiqpè lú:nò we Shvngkà"

        ''Philippines Móngdan mvnila gaíchuq sasvna dvpvt gaíchuq svrado angsher tiqpè lú:nò we Shvngkà"

  Philippines Móngdan mvnila gaíchuq sasvna dvpvt gaíchuq svrado angsher Cardinal Jose advincula svng vyàng roqshú bvnli døngja svng zíò we nvng mvnila gaíchuq svrado wanø nvmlat kagvp nóng we missa svng June 24,2021 taq wà bøã we ìe. 

       Mvnila gaíchuq svrado angshér tiqpè lúnlvm dvpvt (16)shvlá cã bøă dang gøíe. Mvdvm taq dvtvnshì we lvmvng tiqyø svng Manila myoq hwóng mvshøl dvrá shàng Muqwaq yvng Manila myoq dō øpkang Shaqrérì nvng Myoq hwóng øpshú rì taq kení vto òe. V-to v-tiq lvmvng dvngí nø Cardinal nø shvrúng shú vyà tvle lvm lìpong mè dvpvt Manila noqngøm chøm mè svng di a:mì. 

   Nongøm rvtø (Missa) taq Manila gaíchuq vdòng kení shvrúng rì nvng angmaq ò gaíchuq svradaw angshér yvng svng kàsvdiq tiqkvt zíshì wetaq vzàng kaq Manila gaíchuq svrado kvba pè ígø Cardinal Rozar lat yvng kení gø shvrúng shú rì nvng tiqdø gaíchuq svrado angshér yvng kàsvdiq zíshì wetaq vbá we svng yáng lúnshì wenø gvzà nønt shøm dvbu lvm tiq long íwe dang ,Manila Cardiden ò Facebook mvr taq dvta:nòe. Cardinal Gaudencio Rosales nø vkvt rvtø liba Myoq dō yvng dvrá shvdikshì nø nárshi bøí we Cardinal tiqpè gø íe