Tachilít yv'ngkèní maíyó:ng kaq vjúrøtshì dì Modo tiqchvng kvroq kaq vja nø Svmaré (3) me shì bø'ì Shvngkà 

 Tachilít yv'ngkèní maíyó:ng kaq vjúrøtshì dì Modo tiqchvng kvroq kaq vja nø Svmaré (3) me shì bø'ì Shvngkà 

April 24, Tachilít

Shàm móngò nvmshvr lap Tachilít kèní maiyó:ng kaq dì we vjúrøt Modo tiqchvng kvroq kaq vja weí (3) gø' shì bø'ì nø (1) gø' dàmma gvba lún bøā wā Maípyet myoqnē v-toq v-tìp mvdò kèní dvgvng bøā we íe.

April 24 ni Vsháng tut Maípyet myoqnē Nàngnvm Shàm mvring vlè (3) pālúng rvmø Tachilít kèní maiyó:ng myoq kaq vjúrøtshì dì we VIGO Modo tiqchvng vshing lùn nø bē(20) rvzé vl kvroq svng vjáá:mì we íe.

Modo gv'ng Lvngaré (1) pè nvng Svmaré (5) gø' vbá lúngì nø lvpat (49) nøng, lvpat (61) nøng, lvpat (62) nøng mvrim Svmaré vshøm gø'shì bø'ì nø dàmma lún bøā rì yv'ngkèní tiqgø'nø gvzà dvdvmlvm rà ínø vkvt Maípyet mongzøng Cì kok kaq dvtuq bøā wā shálún shìe.

Maípyet myoqnē v-toq v-tìp mvdò kèní tùbùm dvbàng bøā nø dàmma rvnaq nø zā vsvng kaq Cì róng svng dvtuq bøā mèpvng dàmma lúnò rì svng Din-gvhaq tùbùm mvdòí ( Maípyet) Cì róng kaq dvtut shá bøā.

Maípyet myoqnē vdòng April (1) ni kèní dènihøqshaq Modo vkù:p we (5) boq íbø ìnø (3) gø' shìnø dàmma lún vsvng (25) gø' høq vl bøì wā shálún shìe.