Radio Veritas Asia Buick St., Fairview Park, Queszon City, Metro Manila. 1106 Philippines | + 632 9390011-15 | +6329390011-15
“Dvsha we lvpat ri vmvng lun lvm rvt shvngbe dvzaq shi lvm dxjang vle wanx Svrabin koqkvm pe i shxn we Shvngka”
“Dvsha we lvpat ri vmvng lun lvm rvt shvngbe dvzaq shi lvm dxjang vle wanx Svrabin koqkvm pe i shxn we Shvngka”
Svrabin koqkvmpe Francis nx monggvn taq dvsha ri o angni wanx vzvng nvmlat
Poqpvng ya:nga pe ie. We ni svng ang wa nxng nx November shvla taq washi we Ini gx
Tvlu dvgx shilvm dvpvt , Wervt weni dvpvt svrabin koqkvm i dvgxowe Mongka svng Vatican yvng keni dvkango we,Ango mongka vdong taq Dvsha long svng nxngmaqi yvng luni dang keni vling vpo dx yvng lunlvm rvt svrabin koqkvm pe Francis franice i dvkam we dang, dvsha vsvngri vsvng mvngpong vta:ng lvp vsvngri mx-i we dang ,angmaqo dvsha mvhxt we dvja ri svng nxngmaq igx vtoa nx ci:nga lunlvm angnvm angchvng ri i sha we dang ,
Dvbu shang mongka dvsher we nvng singdx svrabin koqkvm rung kongsi vgo pe gaichuk svrado kvba ABP.RINO FISICHELLA i Nxngmaq inx dvsha long svng vhx:mi kvt wa dvsha we dang svng rxnaq dx cing lun nie. We rvt dvsha we angmvtu ri svng ma-cingshaq dvsha vsvng ri nvng vtoq-vtip we nx vshxng mashxng ie, wanx shxnoe.
Svrabin koqkvm pe Francis i nx dvsha we banchvt svng parvn lunlvm ang mvturi nx covid zxnli vle bx mepvng vra tiqkvt dvbung we rvtx vdong taq dvlu lvmvng tiqyxri dvgxshi lunlvm rvt vsuyaq nvng angmvdo ri svng rxt nimshie.
Monggvn dvsha vsvngrio angni svng (November 14)ni taq vdu we ie. Weni taq nx Svrabin koqkvm pe Francis i dvshahxt vsvngri nvng tiqdx (Missa) Kagvp nong lvm inx Covid ang dvja yang nx vdu vbong kvt wa angmaq nvng tiqdx vyang vmpa vmlvm idaqe, wanx Svrabin Koqkvmpe i shxno we svng shalun shie.
Photo courtesy of Crux Now
Add new comment