“Muka” mvrùmè vhǿm bǿà we rvkay móngwv́l 3 myuqne vdòng shømè vrá zaq ráì wervt chø̀m cúnwángrì vdòng høqshaq vtì tø̀ng ráì we.

“Muka” mvrùmè vhǿm bǿà we rvkay móngwv́l 3 myuqne vdòng shømè vrá zaq ráì wervt chø̀m cúnwángrì vdòng høqshaq vtì tø̀ng ráì we.

“Muka” mvrùmè vhǿm bǿà we rvkay móngwv́l, búdídaung, Myauk Oo nvng Kyauk Daw myuqne rì taq August 6 ni kèní mvyù shømè zaqráì wervt wamà chø̀m, tvrà mvdàrì høqshaq vtì tø̀ng ráì wegø íe. Búdídaung myuq vdòng taq shømè zaq lú:ngì wervt tìcèwàng rì tø̀ngráì weí Bánzin wàng té lú:ngìnø̀ Dvbye gúng zàng taq vtì 2’ be høqshaq vháng lú:ngì wegø íe. 

Vránø Myauk Oo myuq taqø gø wamà vdòng svng vtì 3’ be høqshaq vháng lú:ngì wervt vsv̀ng go rø 1209 gǿ svng shømløm we shvrà svng shvlut bǿà. Myauk Oo myuqne vdòng taq Búpyu jún, Myet Yayk jún, Myúng Bwi nvng Gúng Jún mvrìng rì taqgø vtì tø̀ng we bø̀n bǿì. Wedøni Chauk Daw myuq taqgø mvyù shømè zaq ráì wervt rvgaq vsipwe wamà rì taq vtì gòng nø we rvgaq vlwe wamà vsv̀ngrì yilshì rà bǿì wegø íe.