021 nøngò mònggvn shishàn àngni

2021 nøngò mònggvn shishàn àngni

2021 nøng April 7 ni nø mònggvn shiqshàn àngni wanø mvsatshìwe íe. Yani svng mvsat shìwe àng manggánø téwa shiqshànwe tvrà svng tuqlún lvm nvng vdu vbóng we tvra taq shiqshànwe mònggvn svng vrang lúnlvm dvpvt vsvng shvngbe kaq vringòwe àngni tiqni gø íe.

Covid 19 yóga zønlií vkøn ráìwe rvtø taqkèní mònggvn vsvngrì taq shiqshàn dang bvnlì wavmlvm dang rìtaq gvzàni vnøn dvzvŕ bøà we íe.

Wedø íwe taq mònggvn vsvng mvlúngka taq shvnggvmsùng mvvl we, paqzí cvnshì we dang vdøn kéòwe, bvnlì vko vkángrì mvlúnò we, svmaré nvng lvngàrérì dvhø rìn vrá lún vkángrì mv vl we, shømløm lvm mv vl we nvng shiqshàn dang taq tubùm dvbangāwe dang vnønweí shìwvtrì vkøn bøì we íe.

Weratnø vsvng shvngbe nø shiqshàn dø vl lúnlvm nvng bvnlì vko vkángrì lúnlvm dvpvt shølshú vgo shaqrérì svng røtním shìwe vsvngrì gø gvzàni yánglún shì ráì we gø íe. Vsvng shvngbe taq vdu vbóng we, rìn vrá shiqshàn dang roqgvrā we vko vkángrì zílúnlvm dvdutnò we gø íe.

Covid 19 yóga yalòngí mònggvn svng vtangshaq zá dvzvŕ nø vnøn bøì we íe. Weratnø yadø shiqshàn dang vnøn bøì we dang svng vrá shvzøm lúnlvm dvpvt nvng zønlirì svng vgám lúnlvm dvpvt yani taq vsvng màngpòngrì shvngbe nø vzømwe kùngà taqkèní dvzaqshì lúnlvm wawe mànggá taq yani svng wálúnlvm dvkámwe íe.