(2021) nøng Mònggan lvngré angnì wàlvm dvpvt Mvkún nvng rvzaq we shiwat dang.

(2021) nøng Mònggan lvngré angnì wàlvm dvpvt Mvkún nvng rvzaq we shiwat dang.

Mònggàn móngdan vrvm taq kèní kahtolic lvngré rìnø (2021) nøng mònggàn lvngré angnì svng vdè nø vdèò móngdàn vdúng taq røng shìdø wàlvm dvpvt Svràbín koqkám pè Francisí dvtvn kà svng vtò bøà we íe. Mònggàn lvngré angnìò mvkúm kà vgò nø "Jesus Said to Me: 'Levanta-te! Get Up! ' (ekùng shì) wawe ínø, mònggàn lvngré rìò angnì wálún lvm bvnlì shølshú vgò Hugo Flores Arcega í, shøn bøà we íe. Mvkún mánò we dang nø Svràbín koqkám pè Francisí nvnggùn zí dvshvt we nvng vdū vbúng we íe. Wedø tiq dvchá àna zønlì vkøn nø vhøm we rvtø taq lvngré rì gvza serè weí máshìnø mvl lvm vzaq shì nøt taq kèní ebúng daqnøng vdèí røng shìwe zidvng taq shvla wa vgám shìnø dvzaq shàì.

   Nøngmaq shvngbè gvza tewe shiwat svng vhøm ìnø lutlún lvm dvzaq shàì we íe. Wedø ínìgø Serè mvrà. Gvray nø nøngmaq nvng dvp wa vlìe. Kàngpè Yesu gø nøngmaq tiqdø vlnø "èbú:ngàm” wa dvkám kà shøn we íe, wanø nvnggùn zí dvshvt we íe. We mvkún svng tuqra we november shvlá "Hkristu koqkámpè” bóy nì taq mvkún lvm íe, wàe. We rvtnø mònggàn móngdan vrvm taq vlwe Svsana Shvngbèí (2023) Lisbon taq walvm íwe mònggàn lvngré angnì dvpvt dvlú dvgø shìvm wedø íe.

       Mvkún svng Eglish, Spine, Portugal kà taq kèní mmvkún dv:ngí møtlvm angpvn pvn taq kèní møt shaq íe. Møtlvm pvn rìnø lvngrérì dvpvt gvza vjú vlwe tiqpvn gø íe. Wedø tiq dvchá Svsana vdúng dvpvt gø gvza vjú vlwe íe. Lvpvt zìdang vháng radø tiq dvchá cvn vdū we íe. Vsvng pvn vrvm dvhø taq lvngré rìsvng gvza shvring we svng yvng ràe. Lvngrérì té mvlòng nø mvkún nvng vgaq rìsvng gvza nøtlúm we íe. Wervt (2021) nøng mònggàn lvngré rì angnìò rvzaq we shìwat wawe bøng taq kèní shøngjùng bóy rì wà bøà we íe. (2021) nøngò lvngè rìò angnì nø Lvngré rì dvpvt gvza byòwe bóy tiqnì gø íe. Wedø tiq dvchá mòngàn lvngré rì angnìò mvkúm taq kèní dvshvt we kà taq " Gvray nø nøngmaq nvng tiqdø byòwe rvtø taq ínìgø, yaq nø dvshà we rvtø taq ínìgø tiqdø vle” wawe svng Kámnøt taq kèní kám lvm svng dvshvt we kà íe.

Kàtvlíng svra Paul Hpu Ye Dwe