" (600) nøng vlé bøì we Poland móngdàn yv'ng kèní Gvray àngmèò sømla hvng svng svrabín koqkvmpè Francis taqkèní kømpaq vtoshì lúnò we dang"

" (600) nøng vlé bøì we Poland móngdàn yv'ng kèní Gvray àngmèò sømla hvng svng svrabín koqkvmpè Francis taqkèní kømpaq vtoshì lúnò we dang" (9 August,2021 shvngmre' Shvngkà)

Svrabín koqkvmpè ínø lvban ni vyáng Noqngøm vjúrøt rvtø vtvngbøì mèpvng rvzvngcerì taqkèní lvklaí we shvngømré vtongri svng shvmvn dvgøngka zí bøā. We lòng nø Vshé nvmpu wvtce tiqlòng íe. Yalòng Vshé nvmpu wvtce nø Poland móngdàn taq vlwe Skalmierzyce Medo kaq vlu zíshì bøì nø, yalòng dvzvng lega nø (15) Yà mvzuqò laqmu íe. Wervt yalòng dvzvng lega nø (600) nøng lvpat íbø ìnø, Poland cardinal Wyszyńskiò vmíng vkvngí vrá tiqkvt dvzøp nø vrù we nø (55) nøng wā íwe dang, (1966) nøng taq cardinal Stefan wyszy taqkèní medo kaq svng shémō zí yvngà. Yalòng Vshé vmō svng svrabín koqkvmpè Paul (6) taqkèní shvman dvgøngka zí yàngà we íe.

Yà lòng Gvray àngme Medo kaq svng vkvt svrabín koqkvmpèí vtoshì lúnò we Vshé nvmpu wvtce svng dvcaq nø shvring lvm íbø ì. Ìshøt igvn vtoshì lúnlvm rvt shvrúngshúpè Swavek i svrabín koqkvmpè kaq dvle nø shvman dvgøng we vtoshì bøì. Vkvt dø dvnungshì lòng nø Swavek dvpvt tiqshí:ngí dø, móngdàn dvpvt, Medo vl we shvrà taq móngzøngcerì dvpvt gvzà vchvk we bvnlì tiqlòng íe. Yalòng kømpaq bøn lvm rvt shvngbè lùmnø bøn bøì we íe. Vkvt svrabín koqkvmpè taqkèní shvman dvgøng we vtoshì bøn ínø Poland móngdàn kaq lvng bøā nø svrabín koqkvmpè i shvman shaq íwe (2) lòng walòng kømpaq svng Skalmierzyce medo kaq svng vlu zílvm íbø ì.

(Kà tvling we Svra David Ah Pong)

https://www.facebook.com/messenger_media/?thread_id=100035562332088&atta...