"America kèní zong mang rì Roma kaq svng dì lúngì nø svrabín koqkvmpè nvng gø vhøm we"

"America kèní zong mang rì Roma kaq svng dì lúngì nø svrabín koqkvmpè nvng gø vhøm we"

Vatican wáng vdòng  St. Peter Bacílíca Noqngøm chøm me ò rvgaq vdòng kòkdø'ng taq vl we Uqgurì nø mònggang døngtang kèní zaqle rì dì ra nø yv'ng lúnò rì í tv'ngte shvngbeí gvzà nøntshøm dālvm vlē, wā Roma svng v-sè lúngì we American Byīdōngsuq, Chicago byinē taq vl we DePaul college zong màng mvdò kèní màtchatlù ò nø shøn bøā. Shvngømré meò àngké kvmnønt tvrà dang svng dvtøp mèyø nìnø Roma mvdvm dvgá dø gun dvtøp lvm shvra mà-vl we dang shønòe. 

Catholic shvngømréme ò àngké kvmnønt lòng svng yv'nglún shì we dang nvng svrabín Koqkvmrìo noqngøm chøm wā tøò we Vsvng mvmè í sháò we sitstin Noqngøm chøm svng gø dì bøì nø Noqngøm chøm vdòng taq vl we shvngbe nø gvzà nonggùn kūngà lùshì ra , nøntshøm lvm rì wā dv'n zø'ng we dang Roma svng tuq lúngì we American college zong màng mvdò kèní Sheryl Overmyer í àngí vtōshì lúnò dang svng gø vkvt dø shønòe.

Àngmaq taqkèní Sarah Walton lvnshi gø' ígø Vkvt dø dì lúngì tvrà taq Catholic shvngømré meò kvmnønt svkse rì svng téwa shvgún lún we dang, àngmaq mvbúng we vzvng kaq tøp-ni tøprang mvshá shì we íni gø vkvt dø dvtánshì rì shvngbe shvgùn nø zíngra:l lún we dang shønòe.

Aidan Morrissey ígø svrabín koqkvmpè Francis nvng vhøm lún nø v-toq v-tip dvmàn lún dang nvng singdø gvzà nønt shøm dvbù lún we dang shønòe. Svrabin Koqkvm nvng vhøm nø v-toq v-tip lvm dvdàm shì nigø jøngjø'ng vhøm lvm mvlvn shì we rvtø taq vkvt dø vhøm lúnshì bøì rvt gvzà nøntshøm dvbù lúnè wā svkse wáshì nø shøn bøì.  

American college Zong màng mvdò nø America kèní té vtv'ng Catholic college Zong màng rì íe. Àngmaq nø (Dvmaí) mvshøl svng gun dvtøpmòrì íe.

Svrabin Koqkvmpè ò wūr svng zøm nø pàmvrà wálún rvt gø Nøngmaqò kvmnønt tvrà svng téwa nonggùn kūngà lùshì dvzá:re wàe. Àngmaq nø Roma myoq taq vní lvban tv'ngte vl nø shvngømré meò mvshøl mèyvngrì svng shvgùn bøā we íē.