Asia Gvrày mòngkà nvng døngman we shvngkà dvshvt we (Radio Veritas Asia) shvngkà dvp keni Myenmar móngdàn vdùng taq vlwe móngzøng cèrì nvng tiqdø íshàe wanø tvnùng we shvngkà.

Asia Gvrày mòngkà nvng døngman we shvngkà dvshvt we (Radio Veritas Asia) shvngkà dvp keni Myenmar móngdàn

vdùng taq vlwe móngzøng cèrì nvng tiqdø íshàe wanø tvnùng we shvngkà.

Nøngmaq Asia Gvrày mòngkà nvng døngman we shvngkà dvshvngò we (Radio Veritas Asia) shvngkà dvp keni Myenmar móngdàn vdùng taq vlwe móngzøngcèrì nvng tiqdø íshàe wanø

tvnùng we shvngkà taq Myenmar móngdàn móngzøngcèrìí vtù we  kaqsvng nøngmaq ígø vtù ìe, móngzøng cèrìí vtōò we kaqsvng nøngmaq ígø vtō ìe.

 Wervt móngzøngcèrìí vhømò we rvtø taq nàmaq nvng nøngmaq  tiqdø íshàìe, vkvt dø bøn lòngsvng  cømsaq mòngzøl we dvshaqí vgám lúnlvm dvpvt Vjúrøt sórí nàmaq nvng taqrá íshàe.     

Vhøm mvngu shinø dvmvn we taq kení vkvt dø bøn we kaqsvng shvla we bvnchvtrì lúnshìlvm, vrá nø vrvm vrá lvm dvpvt shvngbè tiqdø mvngu dvzaq shì ràe, wanø

Myenmar móng shvrúng shú kvsa Cardinal Charles Bo taq kení dvshvt we kà svng gø vtō ìe. 
  2021 February (3) nì taq dvkang bøà we Myenmar móngzøng cèrì nvng(Vbìbì saryã) rvm nvng  rì kaqsvng Cardinal Charles Boí dvka:ngò  dø "Cømsaq mòngzøl lvm nø tiq tvrà wa cvndøng ràwe íe.

Wedang nø Democracy tvrà mvngá íe walòng  svng vtōò wenø cømsaq mòngzøl we lúnlvm ílò:ngè wa nøngmaq RVA kèní gø ká:míe.

 Myenmar móngdàn taq vkvt dø bøn we svng dawun vl rìí shvngbè dvpvt vjú vl døngman kū wa lvm nønt zvng shìnø wa ràe. Democracy kū vrvm vrá mvngò  dvhøm shìwe cømsaq mòngzøl lvm nvng

vrvm vrá lvm dvpvt dvzaq shì lvm svng Svrabín koqkám pè Francis nvng taqrá vjú røt dvbvng shìe, wae.

Cømsaq mòngzøl we dang svng dvzaq shìwe vsvng vrvm nø Vrá, vrv́m vrá dvzv́rshú rìí mòngzø̀l lòng wø̄n bǿò yv́ng kèní shí long we nø døngman lòng íe.
Yaku (3:18)