Asia Svrado Gvbà Mvdoò Nv̀mlat Ni Zuppòng Gvbà.

Asia Svrado Gvbà Mvdoò Nv̀mlat Ni Zuppòng Gvbà.

Asia svng nøtlø̀m lv́m wawe kà vgō taq kèní Srilanka, Bangladesh, Pakistan, Brunei, India, Vsheq tóng laqyà vbúng we vsheq Catholic rìí we
Syro-Malabar, Syro- Malajkara and Latin Rites rìí dv̀ngshún wesvng tálún bǿshà we íe.

Móngdàn vrv̀m kèní kà vrā shìwe taq vdèò móngdàn vdùng svsana nvng shvngø̀mé dvhø̀ taq bø̀nwe nøt dvshàlv́m dang vlrì svng vrā shìwe íe.
Tāsvng dvle dvbvng shìlv́m, nøtlø̀m lv́m nvng dvdv̀m shánøt rì vl lv́m dvtú mvyǿ we íe.

Aloysius John of Caritas Internationlis kèní Asia vdùng taq vsvng pv̀n dvshá zà dvbvng lvm dang, dvtú shìwe dø vkǿn we yógà dvjv́ng mèpv̀ng
nøt vtøp we mv-vl lv́m dvpvt svsana svng tobùm dvbvng lv́m nø vchvk mvdø̀ng íwe svng síngshá lv́m dvshvt bǿà we íe.

Nv̀mlat ni svng vsháng dut vjú røt we, kàgvp nóng misa nvng pv̀ng bǿà we íe. Cardinal Orlando Quevedo taq kèní misa kàgvp nóngò nø pv̀ng
bǿà we íe. Vna yógà dvjv́ng rvt vsak súm bǿì we rì dvpvt gø vjú røt dvbvngò we íe. Nv̀mlat ni taq ang mvdò wá shìnø dvmv̀n weí rìpòng svng
dvdv́ng lún bǿà we ie.