Bøng gvza tewe shvrà íwe dangpre wamà kèní shvngømré Súnwáng svng gvrlvm dvpvt wápàng bøà we shvngkà.

Bøng gvza tewe shvrà íwe dangpre wamà kèní shvngømré Súnwáng svng gvrlvm dvpvt wápàng bøà we shvngkà.

Kachin móng taq vpø vtvng tiq shvrà íwe dangpre wamà shvngømré Súnwáng svng roqgvrlvm rvtnø dàngpre jau gwrwang mè taq vlwe døngkù pèla

mvdò rìí bvnlì døngjá lùò nø wápàng bøà we svng shálún shìwe íe.

Súnwáng svng roqgvrlún lvm svng nvmlvt wápvng lvm dvpvt jaù gwrwang vdùng taq vlwe døngkù shvcøng shì bøìwe døngkù àngpè rì shvngbè tiqgø

taq gømsòng (5000) za:ngò nø súnwáng chùò nø, nvmsì nvmsò rì kàt páng shì bøìwe íe.

Mvdøng wàlvm dang taqnø chò:ngù, nvng nvmsì nvmsò rì vnvp wedø kàt lvm, dàngpre wamà nø bøngtè we dø tiq dvchá Maria bóymè gvza tèwe

bóymè gvbà wárà we írvt Zaqlè wang dìra rì dvpvt yøprá wàlvm nvng wut sawk mòngkà mvngu vjú røt rìpòng walvm shvrà Retreat Center rì walvm

wanø dàngpre jaù gwrwangò døngkù pèla mvdò shølshú pè vshaq Nka Zau Naní shønò rvt shálún shìwe íe.

Kayvng mvyvng vlnøng we shvngkà etá nøwe shvngømré vsvng rìgø súnwáng roqgvrò we taq dvbvng mvyø we ínìnø nøntløm we dángtè dvbvng dvzaq

shìlvm svng gø vløm shàìe.

Vlu gùmsòng nvng dvbvng lún wedø nvmsì nvmsò ban vlnìnø nvmsì nvmsò ban rì dvbvng lvm svng gø vløm shì shàìe. Súnwáng rvgaq wàng rìsvng

roqgvr lvm nø Svrabín koqkám pè Francisí dvtvn we Laudatosi svng cvn we gø íe.