Bahrain Móngdàn taq Cadidre Nøqngøm zùng gvbà døngshún bóy wàlvm íwe Shvngkà.

Bahrain Móngdàn taq Cadidre Nøqngøm zùng gvbà døngshún bóy wàlvm íwe Shvngkà.

December shvla (10) Lvbán (5) nì taq Muslims témvlòng vlwe Bahrain móngdan taq Catholic Svsanaò Cadidre nøqngøm zùng gvbà angshvr

svng Gvrày kaq vjúrøt tvle we døngshún bóy walvm íe. We nøqngøm gvba nø shvngømré vsvng (2300) gø sáng we íe.

Aribia kèní Mariq Cadidre nøqngøm zùng nø (အဌဂံ) bungzan wáshaq ínø Italy biduqgã paqzí vdè rìí wàyv:ngà we íe.

Cadidre nøqngøm zùng gvbà poq bóy angnì tuqlvm vzvng tiqni taq Bahrain Koqkám pè Hamad bin Isa Al Khalifa nø we døngshún bóy taq

lúmlvm íe. Koqkám pè ínø Cadidre nøqngøm zùng gvbà rvgaq shvrà svng vlū záng yv:ngà we dv:ngí kãdø wàlvm dang nvng sing nø Svràbín

koqkám pè svng dang vrvm taq paqzí røt shìwe vle.

We Cadidre nøqngøm zùng gvbà svng dvdáng lvm nø Arebia móngdàn dvpvt mvshøl vlwe ílò:nge wanø biqduqgã paqzí vdè rìí shønò we íe.

Lvbán vrvm misa svng, rúng mvpoqò we rvtø rì taq mòngka tãshìlvm shvngøré rvsángcèrì mvdvm yv:ngò nø vdū vbúng dø wàò dvgø shìwe íe.

We Cadidre nøqngøm zùng gvbà døngshún bóy taq shvngømré vsvng rì (1) sèn ján dángtè vbá lúnlvm dvpvt dvgøã shaq íe wae.