Bang nám døm Myoq yvng shøzaq nø tìwàng cèrì tite rvt gvyaq shì bøìwe tvrà dvzà rì dvzxp lvm Kùng làng pø Myoq vdòng vlwe mvring cerì dvpvt RWS-MIS dvng kení tilún lvm gùn dvtxp we Shvngka.

Bang nám døm Myoq yvng shøzaq nø tìwàng cèrì titè rvt gvyaq shì bøìwe tvrà dvzà rì dvzup lvm Kùng làng pø Myoq vdòng rám vlwe mvring cerì dvpvt RWS-MIS dvng kení tilún lvm gùn dvtup we Shvngka. ===============================

Vpoqmóngwvl Bàngnám døm myoq yvng September (24) nì kení shø gvzá zaq nø Nòng móng myoq nvng bàngnám døm kaqsvng dìwe tvrà dvhø rvm taq tiwang cèrì tìtè lóngnø tvrà rìnvng dvbà rì gvyaq Shìwe vlwe íe.

Wedø tvrà rìnvng dvbà rì gvyaq shìwe írvt tvrà di zaqle rìnvng we rvgaq yvng vlwe mvring vsvng cèrì dvpvt gvzá yatnø vhømò we kaqsvng dvbang lvm betfoor tiq chvng nvng vsvng nøgùn rì taq kení Bàngnám døm myoq tvrà upshvl dvp nvng inginia vshaq Zau Ra Sin íshvlshú wá shìnø vshaq Tar Wete í roq yvngò dángí We mvdò rìnvng tiqdø vshaq Naw Dí nvng bvnlì wáshú mvdòcèrì kení gvyaq shì bøìwe tvrà rì dvbà rì kaqsvng (24-26) mèng høq shaq dvzup dáng shì bøìwe kaqsvng shá lún Shìwe íe.

Vpoq móngwvl putau gwlwàng Kònglàngbø myoq vdòng rvm vlwe mvring vsvng rìdvpvt myoqnel jélet dèdaq poyqpuel lvm upshvl dap kení RWS-MIS dàng mvring vsvng vrvm vqtì lún dvpvt (2019) nøng December taq kení gún dvtùp bøà we íe.

Wedø gún dvtùp mò wedvng nø Kònglàngbø myoq rvgvq vháng lvm øpshvl dap kení myoq vdòng rám vlwe mvring (50) mvring kaqsvng gún dvtùp lvm ínì gø (40) mvring kaqsvng gún dvtùp dáng Shìnø werì gún dvtùp dáng shì bøìwe kaqsvng nø website mvdvm shvlang lún lvm dvpvt dvzaq shìè. Myoq vdòng rám vlwe shángbè vqtì láng lún shìwe nø shìqshvn lvmtvra dvng dvpvt gvzá dvbù lvm ílònge. We bvnli waò ke ràwe tvrà rì kaqsvng website kenì tiq dvtam internet nvng vdoqvtip kenø gún dvdop dángí taqsvng dvlè vzøm kelvm íe wanø myoqnel jélet vháng lvm myoqnel øpshvl shúpè Usímú Ú myu nyìnyì íshønò rvt shá lún shìe.