" Belgian taq January shvláhøq vsvng mvngpòng nvng mvngushi nø Kàgvpnóng we Noqngøm rvtø v-lvm mø-í wàwe Shvngkà"

Shvngkà" Belgian taq January shvláhøq vsvng mvngpòng nvng mvngushi nø Kàgvpnóng we Noqngøm rvtø v-lvm mø-í wàwe Shvngkà"

Lvban vníni taq Belgian Catholic svradorì nvng móng øp vsuyaq mvdòrì vrāshi we í January shvlá (15) ni høq shiwà mvngpong nvng mvngushi we Noqngøm rvtørì Nar a:tùe wā shøn bøā. Belgian móngdvn vdòng taq Vsvng gorø 6.5 wvn vl we catholic rvzvngcerí nø hkrismat svng vdè chøm vdòng taqwà wáshì lv'm rvt dvkvmo nø vring bøā. December 1 nī taq dvkvngbøà we shvngkà yv'ng svrado gvbarì taq kèní vsuyaq Shiqshan dang nvng singdø paqzizì we dvkvmkàrì svng gø cvndvgøm nø kvmnønt tvrà taq vhøm a:tù we yaklvm rì íē wanø mvsø:ng shìlvm rvt dvkvngbøà we íe.

Byintin, Gemini, luzingbàk, netalan rì nvng rvgaq dvrøt íwe Belgian nø Covid 19 Vnā Zønlì rvt shì we Vsvng loqvtvng móngdvn gø íe. Móngzøngce gorø 11.5 wvn vl nø 577,000 gø dvngtè yóga vbá nø 161645 gø Covid 19 Zønlì í shìvmi we svng shálún shìe. Covid 19 Zønlì vsher we nvmlat tiqdvtvng march shvlá kèní Noqngøm chømrì taq Noqngøm rvtørì nar a:tù we íni gø, tiqgø chìm kèní vjúrøt shìrì dvpvt Noqngøm chøm bvngka tá nāe. Døngku shvzøng shì we, tiløp kà:mshì we, yorkungrì dvpvt Vsvng cvmaqceí wà dvnúng weí bvnlìrì svng wáshì bøì.

Jun shvlá taq vrá tiqkvt puqshì we íni gø November shvlá taq vrá tiqbaq bìkshì bøì. Kàgvpnóng shvrúngshú Jau rì taq kèní Shvngømrérì dvpvt Noqngøm chøm bvngka a:tánāshàq ínø "Kàgvp nungpà taq màbá we íni gø Vkangpè Yesuo kàgvp sagramantu yv'ng bú:ngshì lúnlvmrvt" nònggwøn zí nø dvkvm bøā we íe.