Brazil Móngdàn, kahtawlik vtoqvtip we mvdò rì dvhø taq téshvla dø dvcøp lvm svng Svràbín koqkám pè Francis røtnèm shìwe shvngkà

Brazil Móngdàn, kahtawlik vtoqvtip we mvdò rì dvhø taq téshvla dø dvcøp lvm svng Svràbín koqkám pè Francis røtnèm shìwe shvngkà.

 July 27, lvbán 2 nìtaq, Svràbín koqkám pè Francisí Brazil Móngdàn kahtawlik vtoqvtip mvdò rìnø rvwèng we tvra dang vldárì, Brazil móngdàn kahtawlik vtoqvtip mvdò rì dvhø taq taqsvng dvle vrám vrá nø rvwèng we dang svng shvmáng ngò nø téshvla we dang svng dvcøp shvzøng we vsvng rì ílún lvm dvpvt nvnggùn zì bøà we íe. Brazil móngdàn Svràdò rìpòng gvbà, “the Brazilian Bishops Conference (CNBB)” mvdò rì taq kèní shølò nø lvjá:ngò we ínø, Brazil móngdàn kahtawlik vtoqvtip mvdò rìò (12) poq wawe rìpòng “Mutirao de Comunicacao” bvnlì dvzøm dvbvng we rì mèpvng Svrabín koqkám pè Francisí høng sømlà nvmbøngshø kà video message nvng vhøm nø vtoqvtip we taq, nøngmaq hkristan rvsángcèrì nø nøt vlømshì we tvra nvng muqhøm vrám vrá we lúnlvm dvpvt gò we vhøm bøà shàwe rì íshàìe.

  Zùn bøì we Kàngpe Yesu nø a:ngò dvzvr rìnvng Eyv̀ngnøng, rvgaq mvpìm yabàn lv̀ngdø̀m høq Ngà nø kadvgvp gø namaq nvng tiqdø v̀llv́m íe,” (mati 28:20) wedø ni namaq nvng gø tiqdø vllvm íe wawe svng Kámnøt tvra gvbà vlràwe dang svng shvdúm we íe.

  Zang dvtut shvngkà lùlvm dvshvng lvm media tvra dang svng téwa rvtø vràm dvshvng lúnlvm, anà zìnlì yógà vkøn we yarvtø taq, “fratelli tutti, wawe vnvm vchvng nøt Mvdøng nvng angshvr íwe Kahtawlik vtoqvtip we mvdò svng dvzøp shvzøng vháng dvzvr nø vnvp vtvng we tvra dang svng tuqlvm høq vdèò bvnlì døngjá svng nøtløm lømí dvzaq shìlvm dvpvt nvnggùn zìwe svng Vatican shvngkà dvp kèní dvshvng bøà we íe. Kà dvlíng we Sara Paul Hpu Ye Dwe.