Brazil Móngdàn taq Tìtè rvt Dvshà lvm vhømò we rì dvpvt Svràbín koqkám pè Francis VJúrøt dvbvng we shvngka.

Brazil Móngdàn taq Tìtè rvt Dvshà lvm vhømò we rì dvpvt Svràbín koqkám pè Francis

VJúrøt dvbvng we shvngka.

Brazil móngdàn vdúng yanìla taq tìtè rvt vsvng (12) gø' shìnø angkíng angmùn chøm, vllvm shvrà yatwe

vhøm bøà rì dvpvt Svràbín koqkám pè Fransic ínø Lvbán nì St. Peter nøqngøm wáng taq Shvngømré

rìnvng tiqdø vjúrøt dvbvng we íe.

Té mvlùng nø vllvm shvra yat bøwe chøm vsvng rì dvpvt vjúrøt dvbvngò we íe. Weyvng cháng bvnlì  dvbv:ngò

we vsvng rìsvng gø Gvrayí angmaq wàò we bvnlì vrvm svng roqgvr weí nvnggùn ku:ngà laq dvbv:ngò wanø shøn

da:ngí tuqra we Lvbán rvsángcè rì tiqdø mvngū shìnø vjúrøt we rìpòng taq ínìgø rvsángcè rì shvngbe koq kám

vshøm pè nø Chang kàngpè Yesuq yvng tiqdø dìnø vzøm we dø angmaq gø vrá tiqkvt dvkáng shìnø tvra

angshvr lúnlvm nvng vkoq vkáng  leqlúnò wa dvshvt we íe.

Nøngmaq rvsángcè rì shvngbe kømzøp we tvra angshvr mvngá svng tuqlvm màbóng we Túng laqyà nvng

Kámnøt taq kèní Kàngpè Yesuò shóngnøt svng vtò lúnlvm mvngá dvpvt yatwe shìwat rìsvng jòr lúnlvm

vrvm vrá weí kámnøt nvng tiqdø vjúrøt ì wanø, Svrabín koqkám pè Fransic í, dvshvt we íe.

Gvray mòngka taq kèní nøngmaq rvsàngcè rìnø kedø cvndøng rawe svng dvdvm røng lvm gvza vchvk we íe.

Dènì nøngmaqò lvpvt taq mvpvng kadø bøn bøì we rìsvng yv:ngò nø vháng we vlmá, mv-vlmá, bvnlì dvdáng

shìwe vzang dvtut wá ràwe vlmá dvdvm ràe. Rvtø vrvm gún dvtøp lún ràe. Nøngmaqò lvpvt svng Gvrayí kãdø

shóngshìe kapvn wá dvzvr we svng dvdvm ràe. Gvray Gvsangí nø nøngmaq lvpvt svng gvza shòngwe svng

kadø dvtvnò we svng nøngmaq gún dvtøp lvm wàì wanø Svràbín koqkám pè Fransic í, dvshvt dá:ngí kadang tè

yatwe rvtø ínìgø Gvray nø nøngmaq tiqdø vlwe írvt nøtshøm dvbù lvm wàì wanø Svràbín koqkám pè Fransic í,

shøn bøà we íe.