"Byimyoq sandaq bya we dang taq mà-vla:mì we zilvngré vní pèò vnàng kaq Catholic Shvngømré shølshú vgorì dìnø vjúrøt dvbvng we Shvngkà"

"Byimyoq sandaq bya we dang taq mà-vla:mì we zilvngré vní pèò vnàng kaq Catholic Shvngømré shølshú vgorì dìnø vjúrøt dvbvng we Shvngkà"

Byi myoq yv'ng March shvlá (13) ni taq pyenrìí tøl bøā we vmíng vkvng vtvngà lvm rvt Cildvp svng vtù nø sandaq bya we rvtø Cildvp kèní vtù vrē nø dvkvng we taq zilvngré vní pè kaq svnat mvzø' í wvpkéò nø shìbø'ì wanø shálún shìe.
Shìbøí we zilvngré vní pè nø Bukdaq Shvngømré íni gø Catholic Shvngømré shvrúng shúrì, dvzømshú Mama rì nvng rvzvngcerí tiqmaq mà-vla:mì àngmaq chøm svng dìnø vjúrøt dvbvng bøā we svng shálún shìe.

" Kvmnønt tvrà màbóng we íni gø vtōshì lòng, ká:m lòng vbóng we írvt nøngmaq Catholic Shvngømré shvrúngshú dvzømshú Mama rì dìnø vjúrøt dvbvng shìbøì" wā Byimyoq kèní Catholic rvzvngce tiqpèí angò vtoq-vtip we mvr taq vrū bøā we svng shálún shìe.

Myarmar móngdàn taq pyen vsuyaq svng vtù vrē nø sandaq bya weí shìā:mi we Vsvng mvmè vla:mì nø Byimyoq taq nø March shvlá 13 ni kèní pvngshì nø Shvwi Vyø á:mì we dang yvnglún shìe.Shì á:mì we zilvngré vní pè nø Mr.Htet Myat Aung lvpat (19) nøng vtì dang nvng singwe college nvmlat(1) nøng zongmang íe wā shálún shì nø, tvndvgá tiqgø nø Mr. Hpyo wel yan kyaw àng lvpat (20) nøng mvlìm íe wanø shálún shìe. Angnìo shāgóng vnàng lòng svng March shvlá (15 ) ni taq rvdā bøā we svng Byimyoq Shvngkà taq kèní shálún shìe.