Byindì:t (France) Gvray vdòng mà-vl bøì we cil dvgvm yv'ngø Shi bøì rìò àngnī Missa Kagvp noqngøm we rvtø svng Svrabín koqkvmpè Francisí wàlvm Shvngkà.

Byindì:t (France) Gvray vdòng mà-vl bøì we cil dvgvm yv'ngø Shi bøì rìò àngnī Missa Kagvp noqngøm we rvtø svng Svrabín koqkvmpè Francisí wàlvm Shvngkà.

  Svrabin Koqkvmpè Francis nø Shi bøì rì dvpvt vjúrøt dvbvng we àngnī November shvlá (2) Missa Kàgvp svng Roma myoq taqø vl we Byindì:t cil rìò dvgvm yv'ngø noqngøm vjúrøt we wàlvm íbø ì.

  November shvlá (2) nī Roma rvtø vsháng 11:00 nāyi rvtø taq wàlvm ínø Svrabin Koqkvmpè Francis ku Gvray vdòng taq mà-vl bøì Shi bøì we cil rì dvpvt àngmaqò dvgvm taq Missa Kagvp noqngøm we nø vní baq wabaq íe. 2017 nøng taq Svrabin Koqkvmpè Francisí nø Roma myoq shvnvng, "nvtdūnū" taq vl we American cil dvgvm yv'ngø Missa Kagvp nóng yangà. 

  1943-1944 nøng vdòng Nāzi rì kaq svng lù:ng yangà we byindì:t(France) cil vsvngrì dvpvt Italy vsuyaqí yà byintin cil dvgvm svng wáā yàngà. Shì ā:mì we cil vsvng (1888) gø nø yalòng cil dvgvm yv'ngø køm yàngà we dang, téka nø moroccan taqkèní íe wanø shønòe.