"Cardinal charles Bo Twitter account svng dvrá Shàng poq nø lánglún shì we shvngkà"

"Cardinal charles Bo Twitter account svng dvrá Shàng poq nø lánglún shì we shvngkà"

Kàgøí pòqò we mv-sháshì account vdùq svng yv'ng lún bøā mèpvng dvrá Shàng àng taqkèní poq nø lánglún shì we dang yanggong gai chuk Svrado Charles Bo kèní shøn bøā we íe.
" Ngà taqkèní kadvgvp gø Twitter svng mv-làngò. Tiqgø gø' kèní ngà vmíng vkvng mà-dá ngào sømla hàng nvng kàrū rì svng hap we wàbøā" wanø Cardinal charles Bo kèní lingas Shvngkà dvp kaq svng shøn bøā we íe.

" Ngà taqkèní ngào Dvrá Shàng Twitter account svng poq nø lánglvm íē" wā Asia dvty svrado mvdò Vgopè gø íwe svrado Charles Bo taqkèní shøn bøā we íe.
Vlēā:mi we rvtø taq angò bøng kèní tiqgø gøí lángò we twitter account svng Cardinal charles Bo angí ni nar dvzvr bøā we íe.

Lingas Shvngkàdvp nvng RVA Philippines rùng chukkaq svng zíbøā we Video Mongkà nø " Ānā tøl bøā we pyen vsuyaq nø vtù vrē we , naqciqriq nø Vsvng nønt mà-vl vtù vrē we, pyen vsuyaq vmíng vkvng kèní Myarmar móng svng yøp náng mv-kàm èzí bøsha " wanø shønò we svng dvtán bøā we íe.